ناوەندی هەواڵ

 

 لە دانیشتنی بڕیاری دادگای گەلی ڕۆژئاوا کە لە ڕۆژانی ٥-٦ی شوبات لە زانکۆی ئازادی برۆکسل بەڕێوەچوو، شاندی دادگا ڕایگەیاند کە دەوڵەتی تورکی داگیرکەر تاوانی جەنگی و تاوانی دژ بە مرۆڤایەتی و داگیرکاری لە چالاکییە سەربازییەکانیدا دژی ناوچەی ڕۆژئاوا ئەنجامداوە.

 

دوێنێ لە کۆنگرەیەکی ڕۆژنامەوانیدا لە باڵەخانەی پەرلەمانی ئەوروپا لە گۆڕەپانی لۆکسمبۆرگ، دادگای گەلی ڕۆژئاوا بڕیارەکەی بۆ ڕای گشتی و پەرلەمانی ئەوروپا ڕاگەیاند، هەروەها لەم کۆنفرانسەدا ئیلهام ئەحمەد، سەرۆکی هاوبەشی لێژنەی پەیوەندییەکانی دەرەوەی خۆبەڕێوەبەریی دیموکراتیکی باکوور و ڕۆژهەڵاتی سووریا ئامادەبوو.

 

شاندی دادگاکە لە ئەندامانی جۆراوجۆر پێکهاتبوو، لەوانە پارێزەران، سیاسەتمەدارانی کورد و چالاکوانانی مافی مرۆڤ، جیانی تۆگۆنی، ئەندامی شاندی دادگا، بۆ ماوەیەکی کورت بڕیارەکەی بۆ ڕای گشتی ڕاگەیاند کە ٨٠ لاپەڕەیە، بەڵگەی بەڵگەنامەیی لەخۆگرتبوو، لەوانە نەخشەی باکوور و ڕۆژهەڵاتی سووریا و وردەکاری هێرشە سەربازییەکانی تورکیا بۆ سەر ناوچە مەدەنییەکان بوو.

 

به پێی ئه م حوکمه ، کردەوه سەربازییەکانی تورکیا له ناوچه ی ڕۆژئاوا له ساڵی ٢٠١٦ەوه بەتایبەتی هێرشەکانی "قەڵغانی فورات" و "شاخی زەیتون" و "کانی ئاشتی" که بووه هۆی داگیرکردنی هەمیشەیی ناوچەکانی عەفرین، گرێسپی، سەرێکانی و باب، وەک تاوانی دەستدرێژی و پێشێلکردنی سەروەری سووریا ناسێندرا.

 

تاوانەکانی جەنگ و تاوانەکانی دژ بە مرۆڤایەتی لە بڕیارەکەدا زیاتر بەکارهێنانی چەکی کیمیایی وەک فسفۆری سپی لە تشرینی یەکەیەمی ٢٠١٩ و بۆردومانکردنی ژێرخانی مەدەنی، لەوانەش نەخۆشخانە و قوتابخانە و سیستمی ئاو، وەک تاوانی جەنگ بەڵگەدار کردووە، جگە لەوەش گروپە چەکدارەکان کە لەلایەن تورکیاوە پاڵپشتی دەکران، بەردەوام لەسێدارەدانی ئارەزوومەندانە و ئەشکەنجەی دڕندانەیان ئەنجامدا.

 

هەروەها شاندی دادگا جەختی لەسەر گۆڕانی دیمۆگرافی لەلایەن تورکیاوە لە ناوچە داگیرکراوەکان کردووەتەوە و ڕایگەیاند کە زیاتر لە ٢٠٠ هەزار کورد لە ناوچەی عەفرین دەرکراون.

 

بێ سزایی و پێشێلکردنی یاسا نێودەوڵەتییەکان

 دادگا ڕایگەیاند کە تورکیا بەرپرسیار نییە لەم تاوانانە و بەردەوام ڕەتیکردووەتەوەو هەروەها کۆمەڵگەی نێودەوڵەتی تا ئێستا هیچ وەڵامێکی کاریگەرانەی نیشان نەداوە.

 

ڕاسپاردەکانی دادگای گەلی ڕۆژئاوا پێشنیاری کرد کە کۆمەڵگەی نێودەوڵەتی زیاتر فشار بخاتە سەر تورکیا بۆ ئەوەی کۆتایی بە داگیرکارییەکانی ڕۆژئاوا بهێنێت و هەوڵ بدرێت بۆ لێپێچینەوە لە بەرپرسانی تورکیا لە دادگای تاوانە نێودەوڵەتییەکان، هەروەها داوای پێکهێنانی کۆمیسیۆنێکی تایبەت بۆ لێکۆڵینەوەی سەربەخۆ لە پێشێلکارییەکانی مافی مرۆڤ لە ڕۆژئاوا کرد.

 

ئەنجام دادگا داوای لە کۆمەڵگەی نێودەوڵەتی کرد کە کارەکانی تورکیا وەک هەڕەشەیەک بۆ سەر ئاشتی و ئاسایشی نێودەوڵەتی هەڵسەنگێنن و دەستبەجێ هەنگاوی پێویست بۆ جێبەجێکردنی یاسا نێودەوڵەتییەکان بنێن.