ناوەندی هەواڵ

 

یاسای "پاکی و حیجاب" لە ئێران ڕەخنەی بەربڵاوی لێکەوتەوە، بە هۆی کاریگەرییە کۆمەڵایەتییە نەرێنییەکانی لەسەر کۆمەڵگە و ژنان و نوێنەرایەتی دەستوەردانەکانی ڕژێمی ئێران لە ژیانی کۆمەڵگەدا دەکات.

 

١٠٠ چالاکوان، کۆمەڵناس و مامۆستای زانکۆ لە ئێران بەیاننامەیەکی ناڕەزاییان بەرامبەر یاسای “پاکیزایی و حیجاب” دەربڕی و هۆشدارییان دا لە دەرئەنجامەکانی.

 

 لە دەقی بەیاننامەکەدا هاتووە: یاساکە هاندەری توندوتیژی و نائەمنی کۆمەڵایەتییە و بە شێوەیەکی جددی مافە مەدەنی و کۆمەڵایەتییەکان پێشێل دەکات، بەتایبەتی ژنان، لە یاسای حیجاب و پاکیزەیی کۆمەڵگە بە تاوان دەزانێت.

 

لە بەیاننامەکەدا ئاماژە بەوەکراوە کە یاساکە هانی توندوتیژی و جەمسەرگیری و ڕق و کینە دەدات، دەمانەوێت دەستبەجێ بڕیارەکە هەڵبوەشێنینەوە و کۆتایی بە هەڵاواردن لە دژی کۆمەڵگەو بەتایبەتی ژنان بهێنن، دوای ئەو سەرهەڵدانە جەماوەرییەی کە لە ئێران و ڕۆژهەڵات سەریهەڵدا، فشارەکان لەسەر ژنانی کوردستان زیاتر بوون.