ناوەندی هەواڵ

 

لە دوای ١٩ی ئابی ٢٠١٩ەوە لە شوێنی شارەوانیەکانی ماردین، ئامەد و وان لەلایەن دەوڵەتی تورکیاوە قەیوم دانرا، لە دژی ئەو کارەی دەوڵەتیش هاوڵاتیان ناڕەزایەتییان دەربڕی و خۆپیشاندانیان کرد.

 

لەلایەن دەوڵەتەوە هەریەک لە پەیامنێرمان ڕۆژدا ئایدین، ڕۆژنامەنووس نورجان یاڵچین، حەلیمە پارلاک و پەیامنێری ئاژانسی میزۆپۆتامیا ئەحمەد کانبال و محەمەد شا ئۆروچ، محەمەد عەتە، هەمزە عەتە و سەلیم شمدی دەستبەسەرکران و دوای ٧ ڕۆژ سەربەستکران.

 

٨ کەس بە تۆمەتی "ئەندامبوون لە ڕێکخراوێکی نایاسایی" تاوانبار کرابوون و داواکاری گشتی دۆسیەی لەسەر کردنەوە، لە یەکەمین دادگای ماردین، دانیشتن بۆ کەیسی ئەو ٨ کەسە کرا و بە بڕیاری دادوەر بڕیاری ئازادکردنیان بۆ دەرچوو.

 

ت.پ