ئەز ژی دخوازم دیدارەکێ د گەل ڕێبەر و ڕێزانێ گەلێ خوە ساز بکەم،  دخوازم سڵاڤەکێ ژ چیایێ مەتینا، ژ گارە، ژ گوندێ مایێ ل بەرواریا بەهدینا د گەل خوە ببەم و بێژمێ سپاس، سپاس ژ بو کۆ تە ئەم هشیار کرین و ئیناینە هەبوونێ. سپاس کۆ تە ڕێ بو مە ڤەکر و تە ڕێ نیشا مە ژنان دا، تایبەت ژنێن کورد.

 

خەون و خەیال، ئارمانجێن مە ئازادی بوون. ئازادییا وەڵات، ئازادییا جڤاکێ، ئازادییا خێزان و مالبات و د ناڤ بەرپەڕێن ڤێ ئازادییێ دا ئازادی و سەرخوەبوونا ژنێ ئارمانجەک هەری خوەیا بو.

 

راستە ئەم وەڵات پارێز بووین. وەڵات پارێز و خەباتکار و شۆڕەشڤان بووین, ژ مالباتەک و ل بەر دەستێن دایک و بابەک کوردستانی و شۆڕەشگەر هاتینە پەروەردەکرن، لێ ئەم وەکە ژن دناڤا وێ خەباتا دژوار دە بەرزە و وەندا ببووین و مە خوە ژبیر کربو، مە دگۆت چ دەما وەڵات ئازاد بیت وی دەمی ئەم ژی دێ ئازاد بین، لێ تە ئایدیۆلۆژی و فەلسەفەک دی نیشا مە دا، تە بۆ مە دیار کر و گۆت نە…ئازادی نە وەسایە…ئازادی مژارەک جەوهەرییە…تە بۆ مە گۆت، نڤێسی و ئەم تێک هەژاندین و ڕاکرینە سەر پیان تە گۆتە مە ئەڤە شاشە..!! “ ئازادییا ژنێ گرێدایی ئازادییا وەڵات نینە” بەلکی بەرۆڤاژی وێ چەندێ یە، ئازادییا وەڵات گرێدایی ئازادییا ژنێ یە و هوین وەکە ژن د ڕێیا تێکۆشینێ دە دڤیا ڤێ نێڕینێ ئەساس بگرن. 

پشتی خواندن و لێگەڕێنێن دویر و درێژ لدوور ڤان گۆتنا و ڤێ فەلسەفێ مە ڕێکا خوە دیت، مە خوە ناس کر و بڕەنگەک دی، ب ئاوایەک دی دەست بخەبات و تێکۆشینێ کر. تێکۆشین بۆ ئازادییا خوە، ئازادییا جڤاک و خێزانێ و ئازادییا وەڵاتێ خوە. 
لەوما ئەز ژی داخوازا دیدار و چاڤ پێکەفتنێ دگەل تە دکەم و دبێژم ئەز وەکە دایکەک، وەکە ژنەک کورد ژ باشورێ بریندار تێهنییا دیدار و دیتنا تە مە.