Navenda Nûçeyan – Rewşa tenduristiyê ya girtiya nexweş Tenzile Acarê ku li Girtîgeha Jinan a Girtî ya Bakirkoyê tê girtin, giran dibe. Ji ber mafê tenduristiyê yê Tenzîle Acar ku nexweşiya Hepatît B a kronîk û nexweşiya tuberkulozê ya giran heye û ev nexweşî dibin sedema pirsgirêkên wekî zehmetiya nefesgirtinê, westandina zêde, lawaziya zêde û xwînrijandina ji qirikê dijî, nayê tedawîkirin. 

Komîsyona Girtîgehan a Şaxa Komeleya Mafên Mirovan (ÎHD) a Stenbolê, di çalakiya xwe ya  701'emîn a "Rûniştina F" li ber navenda komeleyê ya li Beyoglûyê li dar xist de bal kişand ser rewşa Tenzîle Acar. ÎHD’ê banga berdana girtiyên nexweş kir.

‘Jiyana wê dibin gefê deye’

Endama Komîsyona Girtîgehê ya Şaxa ÎHD'ê ya Stenbolê Mukadder Şamiloglûyê, di çalakiyê de daxuyaniya çapemeniyê xwend. Di daxuyaniyê de av tişt hate gotin: “Her çend ew hewce dike ku di bin çavdêriya bijîşkî ya birêkûpêk de ê dermankirin de be, ji ber nexweşiyên xwe parêzek taybetî hebe û di hawîrdorek paqij û hewadar de bijî jî, şert û mercên girtîgehê rê nadin vê yekê û ev yek gefê li jiyana Tenzile Acarê dixwe."

Dêyîka Tenzîel Acarê, Resmiye Acarê jî bilêv kir ku ew ji ber jiyana keça xwe bi fikar in û got: "Êdî em li benda xebereke xêrê ne. Tu dayîk naxwaze darbesta zaroka xwe teslîm bigire." 

Mukadder Şamîloglûyê da zanîn ku di 26'ê Tebaxê de hevdîtin bi Tenzîle Acarê re kiriye û got ku di hevdîtinê de Tenzîle Acarê jê re gotiye muayeneya bikelemçe lê hatiye ferzkirin û mafê wê yê tenduristiyê hatiye binpêkirin.

Mukadder Şamîloglûyê destnîşan kir ku dê têkoşîna wan a ji bo girtiyên nexweş bidome û xwest ku înfaza Tenzîle Acarê bê taloqkirin û demildest dest bi dermankirina wê bê kirin. 

Piştî daxuyaniyê çalakî bi berzkirina dirûşmeyan bi dawî bû.