ŞIYA KOYE 

Koye – Li navçeya Koye ya girêdayî bajarê Hewlêrê, her sal di werza havînê de qûrsên fêrkirina zimanên biyanî tên dayîn û bi merasîman bi dawî dibin. Di 28’ê Tebaxê de sêyemîn merasîma salane ya Peymangeha Lutkeya Zanistê hate li da rxistin. Divê merasîmê de çalakiyên cûr be cûr ên wek ‘xelatdayîn, dayîna belgenameyan, şano, stran, girtina pirtûkên ji zimanî Ingilîzî wergerî Kurdî hatî kirin’ hatin pêşkêşkirin. Ji hemû qûrsên din cûda li cihê pere ji bo qûrsê bigrin ji beşdaran, wan beşdarvanan xelat kirin.  

‘Bila jin demê xwe vale derbas nekin’  

Xwendekara koleja dermansaziyê Ravîn Rizgar ku beşdarî qûrsa havînê ya fêrbûna zimanê biyanî bû û xelata yekemîntiyê girt, wiha got: “Ez ji peymangeha zanîst beşdarî qûrsa fêrbûna zimanê biyanî bûm. Ez gelek kêfxweşim ku min pileya yekemîntiyê girt. Ez di wê baweriyê de me ku jin hê zêdetir girîngî bidin xwe û ziman. Divê serdemê de ziman ji bo bi destxistina derfetê kar girîng e. Jin dikarin di werzên havînan de demê xwe vale derbas nekin û beşdarî qûrsên ku dixwazin bibin.” 

‘Her sal em qûrsan vedikin’ 

Mamostaya peymangehê Dilwar Ehmed, têkildarî qûrsên havînan wiha got: “Her sal em dewreyên cûr be cûr di werzên havîn û zivistanê de vedikin. Di werza havînê de zêdetir em qûrsên zimanê Îngîlîzî ji bo xwendekaran vedikin. Daxwaza me ji dayîk û bavan ew e ku alîkariya zarokên xwe bikin û zêdetir ji mijarên ku sûd dide wan hêz bikin û xwe di dersan de bi hêz bikin. Ev sala sêyemîne em qûrsa ziman vedikin û îsal ji salên din cûdatir xelat didin yekem, duyem û sêyemîn û her wiha kêmek pere ji bo piştevaniya xwendekaran, ji bo hewldan û fêrbûna zimanan didin.” 

‘Girînge ku jin girîngî bidin xwe’  

Dilwar Ehmed, têkildarî beşdariya jinan a qûrsên havînê jî wiha got: “Cihê kêfxweşiyê ye ku rêjeya jinan ji ya mêran zêdetire û li peymangehê rêjeya mamostayên jin zêdetire. Eve jî derfetek başe ji bo dîtina derfetê kar a ji bo jinan. Girînge ku jin zêdetir girîngî bidin xwe û sûdê ji demê xwe bibînin. Hewl bidin zêdetir ziman fêr bibin da ku derfetê kar zêdetir bibe û di heman demê de ji bo rewşenbîrkirina wan jî gelek girîng e.” 

Dua Dostî ya 9 salî ku xelata sêyemîntiyê girt, bi zimanê Îngîlîzî xwe da nasîn û wiha got: “Ez gelek kêfxweşim ku min karî bibim sêyemîn û zarok hewl didin demê xwe vala derbas nekin.”