Riha - Beriya 4’ê Nîsanê gundê Amarayê hat dorpêç kirin û girseya ku ji bo pîrozbahiyê bi rêket li Xelfetiyê hatin rawestandin. Her wiha gelek noqteyên lêgerînê di ketina navçeya Xelfetiyê de hatin bi cihkirin û li derdorê jî leşkerên nîşangir hatin bicîhkirin. Li gel van hemû astengiyan jî girseya bi pêşengiya Tevgera Jinên Azad (TJA), Kongreya Civaka Demokratîk (KCD), Partiya Herêmên Demokratîk (DBP), Partiya Demokratîk a Gelan (HDP) û MED TUHAD-FED'ê, ji bo pîrozbahiya 4'ê Nîsanê berê xwe dan gundê Amara yê Xelfetiya Rihayê gihan gund û pîrozbahî kirin.

Welatiyên ku ji Amed, Botan, Êlih, Riha û gelek bajarên din hatî li Xelfetiyê kom bûn, li dijî astengiyan dirûşmên “Bê serok jiyan nabe” , “Cîhana bê Ocalan em ê xirabikin”, “Rojbûna te pîroz be ey Serok” û “Bi can bi xwîn em bi te re ne ey Serok” berz kirin. Gengeşiya di navbera polîs û girseyê de demek dirêj dom kir. Hevserokê Giştî ya KCD'ê Berdan Ozturk li Xelfetiyê xitabî girseyê kir.

Piştî daxuyaniyê bername bi dirûşme “Bê Serok jiyan nabe” û “Bijî Serok Apo” bi dawî bû.