Navenda Nûçeyan – Kampanyaya ‘Sêşema na ji darvekirinê re’ di hefteya 89’emîn de li 52 girtîgehên Îranê didome. Kampanyayê, ragihand ku ji 1’ê Cotmeha 2024’an û vir ve hezar û 695 kes hatine darvekirin ji destpêka sala 2025’an û vir ve jî 957 kes hatine darvekirin.

Kampanyaya ‘Sêşema na ji darvekirinê re’, destnîşan kir ku cezayê darvekirinê ne edaletê tîne û ne jî dibe bandorker e, beravajî tundiyê kûrtir dike. Kampanyayê, bang li hemû mirovên xwedî wijdan, çalakvanên sivîl, nivîskar, hunermend, mamoste, teqawîdbûyî û karkeran kir ku dengê xwe li dijî cezayê darvekirinê bilindtir bikin û daxwaza kir amûra herî girîng a zext û tirsandinê ya hikûmetê ji holê bê rakirin.

Daxuyaniya Kampanyaya ‘Sêşema na ji darvekirinê re’ wiha ye:

“Îro, em hefteya 89’emîn a Kampanyaya ‘Sêşema na ji darvekirinê re’ bi nêzbûna Roja Cîhanî ya Têkoşîna Li Dijî Darvekirinê didin destpêkirin. Di demekî ku civaka qûrewî hewl dide ku cezayê darvekirinê bi tevahî rake an jî di astekî girîng de kêm bike de,  bi girîngî kêm bike, li Îranê cezayê darvekirinê roj bi roj zêdetir dibe.

Mînak 12’ê Cotmehê, şeş girtiyên siyasî yên bi eslê xwe Ereb ên bi navê Elî Mojdam, Mohammadreza Moghadam, Moein Xonfarî, Hebîb Daris, Adnan Ghobishawî û Seyed Salem Mousavî û girtiyekî siyasî yê bi eslê xwe Kurd Saman Mohammadi Khiara, hatin darvekirin. Heman rojê cezayê darvekirinê yê girtiyê siyasî Mohammad Javad Vafaei Sanî ji aliyê Dadgeha Bilind ve cara sêyemîn hate êrê kirin.

Ji 1’ê Cotmeha 2024’an û vir ve hezar û 695 kes hatine darvekirin ji destpêka sala 2025’an û vir ve jî 957 kes hatine darvekirin. Divê em qebûl bikin ku em ji gelek darvekirinan bê agahdar in û dibe ku hejmarên rasteqîn pir zêdetir be; ev tenê beşek ji sûcên ku hikûmeta cezayê darvekirinê pêkaniye ye. Li gorî rapora nû ya Rêxistina Efûyê ya Navneteweyî, heta dawiya meha Kanûnê ya 2024’an, 113 welatên cîhanê cezayê darvekirinê bi tevahî betal kirine û bi tevahî 145 welatan cezayê darvekirinê di qanûnên xwe de an jî di pêkanînê de betal kirine. Lêbelê, li Îranê siya mirinê her roj mezintir dibe.

Em hemû dizanin ku cezayê darvekirinê li Îranê ne tenê cezayek e; di heman demê de amûrek e ku ji bo çandina tirs û terorê ya di civakê de tê bikar anîn. Li gorî vê hikûmetê, divê hemû şêweyên nerazîbûn û xwepêşandanan bi darvekirin û cezayên girtîgehên werin tepeserkirin. Lewma, îro dirûşma "Na ji darvekirinê re" dengê yekgirtî yê hemû xwepêşanderan, mamoste, teqawîdbûyî, karker û xwendekaran e.

Em di dawiyê de, Roja Cîhanê ya Mamosteyên bi hemû mamosteyên xwe yên hêja re pîroz dikin û Semed Behrangî û Ferzad Kemangar bi bîr tînin; van mamosteyan di seranserê dîroka Îranê de dersa azadî û wekhevî dane û di dawiyê de ji bo vê îdeolojiyê canê fedakirinê.

Em wek Kampanyaya ‘Sêşema na ji darvekirinê re’, bang li hemû mirovên xwedî wijdan, çalakvanên sivîl, nivîskar, hunermend, mamoste, teqawîdbûyî û karkeran kir ku dengê xwe li dijî cezayê darvekirinê bilindtir bikin. Encax vê demê, amûra zilm û tirsê dikare ji destên hikûmetê were girtin û rêya edalet û azadiyê bê vekirin.”