ESRA EZÎZÎ

Merîwan – 18’emîn Festîvala Şanoya Kolanan a Navneteweyî ya Merîwanê ya bi beşdariya hunermendên ji bajarên Îran û Rojhilatê Kurdistanê di dîroka navbera 26-30’ê Cotmehê de hate li dar xistin.

Festîvala Şanoya Kolanan a Merîwanê, di heft kategoriyên cuda yê mîna Serbest, Zarokan, Kevneşopî-Baweriyan, Niştîman (Welat), Şîrovekirinên Cûda, Tevlîhev û Beşa Taybet, hate li dar xistin.

Lîstokan, her roj di saetên 11:00 heta 06:30’an de li Parka Şano, Gola Zerîwar, Parqa Netew, Meydana Bawerşî, gund, navenda bajêr û li Dibistana Razî hatin pêşkêşkirin. Merasîma girtina festîvalê, wê îro pêk were û juriyan berhemên hatine hilbijartin eşkere bikin.

Şanoyan hemwext li cihên cuda hatin pêşkêşkirin û gelê Merîwanê eleqeyek mezin nîşan dan. Şanoya kolanan êdî li bajêr veguherî çandek; di rojên festîvalê de kolanan bireng û zindîtir dibin.

Îsal di nava berhemên ji aliyê derhênerên jin ve hatine pêşkêşkirin de “Teshitr û Apuş" (Atife Nakavî), "Nene Delaver" (Merziye Alizade), "Aştî" (Arezû Alipur), "Hasank" (Nesa Xudayar), "Derdên Mirovekî Kurt a bi Ramanên Dirêj" (Mehsa Deqani), û "Cîhan be men e" (Arezû Kerimizend) cih girtin. Şanoyan, mijarên civakî yên mîna kesên astengdar û jinên astengdar, kêmbûna çavkaniyên avê, bêkarî, çîqên pîşeyên sexte û kevneşopiyên tên jibîrkirin, dîtbarî dikir.

‘Em pirsgirêkên jinan tînin ziman’

Derhênera Tehranê Merziye Alizade, diyar kir ew bi lîstoka xwe ya "Nene Delaver" cara duyemîn beşdarî festîvalê dibe û pirsgirêkên civakî yên ku kesên astengdar û bê astengdar girtine dest. Merziye Alizade, wiha got: "Em têkoşîna jinên hewl didin di civakê de li ser piyan bibînin vedibêjin. Ez spasiya gelê Merîwanê dikin."

‘Festîvala Merîwanê şanoya kolanan zindî dihêle’

Yasemen Abdullahzadeh a ji Gîlanê jî, diyar kir ew bi lîstika "Ahuçere" ayînên kevneşopî yên Gîlanê tînin ser dike û got: "Ev lîstok, nîşan dide ku jin di raboriyê de çiqas di jiyana civakî de bi bandor bûn. Festîvala Merîwanê, hertim şanoya kolanan zindî dihêle."

Derhênera Lahîcan Arezu Alîpur, diyar kir ew îsal beşdarî hemû 18 festîvalan bûye û îsal di sê kategoriyên cuda de pêşbazî kiriye. Lahîcan Arezu Alîpur, cudahiya şanoya kolanan, bi van gotinan vegot: "Em li kolanan rasterast bi temaşevanên re têkilî datînin û ev yek jî cudahiya herî mezin a ji şanoya dikê ye."

Festîvala Şanoya Kolanan a Merîwanê, ne tenê çalakiyek hunerî ye; di heman demê mîna dengê civakê, neynika pirsgirêkan û hafizeya zindî ya çanda herêmî, didomîne.