ژمارەیەک لە ژنانی کابول لە گردبونەوەیەکدا بە وتنەوەی دروشمی "کار، نان، ئازادی"  ناڕەزایەتیان نیشاندا.

ناوەندی هەواڵ

 

ئەمڕۆ پێنجشەممە ٢١ تشرینی یەکەم، ژمارەیەک لە ژنان و چالاکوانانی کۆمەڵگەی مەدەنی لە شاری کابول بە وتنەوەی دروشمی " کار، نان، ئازادی" وەک ڕەخنە و ناڕەزایەتی لە دژی حکومەتەکەی تاڵیبان کە ڕێگری لە کارکردنی ژنان دەکات لەبەردەم وەزارەتی "ڕێگری لە خراپە و فەرمان بە چاکە" گردبوونەوە. .

خۆپیشاندەران لەسەر شەقامەکانی کابول ووتیان "ئێمە دەنگی گەلی برسیین" و داوای کۆتایی پێهێنانی ئەو سنووردارکردنانەیان کرد کە بەسەر ژناندا سەپێنراوە. 

بە وتەی ئەو ڕۆژنامەنووسانەی کە لە گردبوونەوەکەدا ئامادەبوون، هێزەکانی تاڵیبان توندوتیژیان دژ بە ژنان کردووە و ژمارەیەک ڕۆژنامەنووسیش برینداربوون.