ناوەندی هەواڵ

 

تورکیا ساڵانێکە شاهیدی زیادبوونی بەرچاوی پێشێلکارییەکانی دژی ڕۆژنامەنووسان بووە، ئەمەش لە کاتێکدایە کە بە شێوەیەکی بەردەوام لە پێوەرەکانی ئازادی ڕۆژنامەگەری و ڕادەربڕیندا دابەزینێکی بەرچاوی هەیە، دەسەڵاتدارانی تورکیا لێکۆڵینەوەی دادوەری و دەستگیرکردن وەک ئامرازێک بۆ سەرکوتکردنی دەنگە سەربەخۆکان بەکاردەهێنن.

 

دەسەڵاتدارانی تورکیا بە پشتبەستن بەو لێدوانانەی لە ٢٣ی کانوونی دووەمی ٢٠٢٤ لە سنووری نێوان برسوس و کۆبانێ، سەبارەت بە شەهید ڕۆژنامەنووسان نازم دەشتان و جیهان بیلگین، کە لە باکوور و ڕۆژهەڵاتی سووریا ڕوویدا لەکاتێکدا ڕووماڵی ڕووداوەکاناین دەکرد، لێکۆڵینەوەیان لە دژی جیهان شاهینلی، پەیامنێری ئاژانسی میزۆپۆتامیا کردەوە.

 

دوابەدوای لێدوانەکانی، ڕۆژنامەنووس جیهان شاهینلی لەلایەن لقی ئاسایشی ڕەحاوە بە تۆمەتی پێشێلکردنی یاسای خۆپیشاندان و کۆبوونەوە و ڕێپێوان لێپێچینەوەی لەگەڵ دەکرێت.

 

لێکۆڵینەوە لە دژی محەمەد شیرین کوربوز، هاوسەرۆکی پێشووی لقی پارتی هەرێمە دیموکراتییەکان "دەبەپە" لە ئامەد، بەکر بینک، پێشەنگی لقی پارتی یەکسانی و دیموکراتی گەلان "دەم پارتی" لە شاری ڕەحا کراوەتەوەبە پشتبەستن بە هەمان لێدوان.