سلێمانی 

 

لە دوای بانگەوازی ڕێبەری گەلی کورد عەبدوڵا ئۆجالان، گروپێک لە ئەندامانی پەکەکە کە ١٥ ژن و ١٥ پیاو بوون، لە مەراسیمێکدا چەکەکانیان لەناوبرد.

 

ئەمڕۆ ١١ی تەمووز، "گرووپی ئاشتی و کۆمەڵگەی دیموکراتیک" لە ئەشکەوتی جاسەنەی سنووری شاری سلێمانی مەراسیمەکەیان ئەنجامدا.

 

لە مەراسیمەکەدا هاتووە: لەمەودوا خەباتمان بۆ ئازادی و دیموکراسی و سۆسیالیزم بە میتۆدی یاسایی و سیاسەتی دیموکراسی و لەسەر بنەمای دەرکردنی یاساکانی یەکگرتنی دیموکراسی بەردەوام دەبێت، بۆ گەیشتن بەو ئامانجە، ئەمڕۆ بە ئامادەبوونی ئێوە بە ئیرادەی خۆمان چەکەکانمان لەناو دەبەین.