ناوەندی هەواڵ 

 

ڕێکخراوی کۆمەڵەی مافی مرۆڤی کوردستان لەبارەی ئەشکەنجەدانی دوو ژنی کورد لەلایەن هێزە ئەمنییەكانی ئێرانەوە ڕایگەیاند، ڕۆژی یەکشەممەی ڕابردوو دوو ژنی کورد بە ناوەکانی “ئەستی چوغر” تەمەن ٨٠ ساڵ و “سەعادەت بایەزیدی” تەمەن ٤٥ ساڵ، داپیرە و دایکی چالاکوانی سیاسیی “فەرزین توت” لەلایەن هێزەکانی وەزارەتی ئیتلاعاتی ئێرانەوە لە پیرانشار ئەشکەنجە دران.

 

ئاماژە بەوەشکراوە، ئەو هێزانەی سوپای پاسداران هەڵیانکوتاوەتە سەرماڵی چالاکوانە سیاسییەکە و هێرشیان کردووەتە سەر داپیرە و دایکی و بریندارکراون، کە شەش ددانی “سەعادەت بایزیدی” دایکی شکێنراوە، هەموو کەلووپەلی نێو ماڵیشیان تێكدراون.

 

دەشڵێن، ئەو چالاکوانە سیاسییە لە باشووری کوردستان دەژیی.

 

جێگای ئاماژەیە، لە مانگی ڕابردوودا نزیکەی ٦٨ هاوڵاتیی و چالاکوان لە ڕۆژهەڵاتی کوردستان لە لایەن هێزە ئەمنییەکانی ئێرانەوە دەستگیر کران.