ئامەد

 

فەرمانگەی داواکاری گشتی لیجە لە دوای کاردانەوەی ڕووداوەکەی شەوی ڕابردوو لە ناوچەی لیجەی ئامەد منداڵێکی تەمەن ١٤ ساڵ بەناوی "ی.د" کە لەگەڵ هاوڕێکەی دەگەڕایەوە بۆ ماڵەوە، لەلایەن پۆلیسەوە ڕفێندرا و ئەشکەنجە درا، دواتر ئاژانسی میزۆپۆتامیا ڕووداوەکەی بڵاوکردەوە، بنەماڵەی ئەو منداڵە و پارێزەرەکەی داوای لێپرسینەوەیان کرد.

 

لێکۆڵینەوە لە پۆلیس دەستیپێکردووە

نوسینگەی داواکاری گشتی ئامەد ئاماژەی بەوەکرد کە لێکۆڵینەوە لەو پۆلیسانە دەستیپێکردووە و لە بەیاننامەیەکدا ڕایگەیاند، لێکۆڵینەوەیەکی دادوەری لەلایەن داواکاری گشتیەوە کراوە سەبارەت بەو ڕووداوەی کە لە ناوچەی لیجە ڕوویدا و لە تۆڕە کۆمەڵایەتییەکاندا بڵاوکرایەوە لێکۆڵینەوەکە بە وریاییەوە ئەنجام دەدرێت.

 

بارۆی ئامەد سکاڵای لەسەر پۆلیس تۆمار کرد

کاردانەوەکان و هەوڵەکانی دژ بە ئەشکەنجەی پۆلیس بەردەوامە، هەروەها بارۆی ئامەد سکاڵای لە پۆلیس کردووە و ڕایگەیاند، بەدواداچوون بۆ لێدوان و پڕۆسەی یاسایی دەکەن، بەهۆی تاوانەکانی "ئەشکەنجەدان و مامەڵەی خراپەوە"،  "بریندارکردنی بە مەبەست"، "ڕفاندن"، "هەڕەشە" و "سوکایەتی" داوای لەداواکاری گشتی ئامەد کرد و سکاڵای لەسەر پۆلیس تۆمار کرد، هەروەها دەبێت ببرێنە شوێنی یاسایی و وتە لیوەرگرتن.

 

کۆمسیۆنی منداڵانی هەدەپە: شەرمەزاری دەکەین

نورای تورکمان و حوسەین کاچماز، هاووتەبێژانی کۆمسیۆنی منداڵانی پارتی دیموکراتی گەلان-هەدەپە لەبارەی ئەو کردەوە ڕەگەزپەرستی و هێرشانەی کە لە نەورۆزی ٢٠٢٣دا ڕووبەڕووی منداڵان بووەوە لێدوانێکی نووسراویان بڵاوکردەوە و تێیدا هاتووە: "هێرشە ڕەگەزپەرستانەکان بۆ سەر منداڵان لە نەورۆزدا جیاوازی نییە، لە ڕەنگی جلەکانیانەوە بۆ ئاگری نەورۆز لە گەڕەکەکاندا کرانەوە، منداڵان تۆمەتبار دەکرێن و توندوتیژییان بەرامبەر دەکرێت، دەبێت لێکۆڵینەوەی پێویست لە ئەو کەسانە بکرێت کە هێرشیان کردە سەر "ی.د".

 

لە بەردەوامی ڕاگەیەندراوەکەدا هاتووە: "ئەشکەنجەی منداڵان لەلایەن ئەو کەسانەی کە بەرپرسانی ئاسایشن قبوڵ ناکەین و شەرمەزاری دەکەین، تا کۆتایی پرۆسەی لێکۆڵینەوە پەیڕەو دەکرێت دووبارە دەڵێینەوە، ئەم حکومەتە ڕەگەزپەرستە و دوژمنی منداڵانە! سەرەڕای دەیان ساڵ ڕەگەزپەرستی و نەتەوەپەرستی لەسەر ئەم خاکە، منداڵانی کورد پەرۆشی و باوەڕی خۆیان بە ژیان لە ئاگری نەورۆزەوە وەردەگرن".

 

چی ڕوویدا؟

"ی.د" تەمەن ١٤ ساڵ کاتێک لەگەڵ هاوڕێ تەمەن ١٠ ساڵانەکەی لە ناوچەی لیجەی ئامەد دەگەڕایەوە بۆ ماڵەوە، لەلایەن پۆلیسەوە ڕاگیرا و ڕفێندرا و ئەشکەنجە درا، ی.د سەرەتا بردرایە ناو زەوییەکی چۆڵ و پێیان وت بڵێ "من تورکم" و "دژایەتی کورد بکەن، سرودی سەربەخۆیی بڵێنەوە" و ئەشکەنجە درا، ئەو منداڵە کە لە شەودا لەلایەن گوندنشینێکەوە دۆزرایەوە، دەست و قاچی بەسترابووەوە و فڕێدراوەتە چاڵێکەوە، دواتر گەیەندراوەیە نەخۆشخانە و پێدەچێت چاوێکی بینایی لەدەستبدات.