ناوەندی هەواڵ

 

ئایشە گۆککان، وتەبێژی پێشووی تەڤگەری ژنانی ئازاد "تەژەئا" لە زیندانی ژنانی سنجانەوە سەبارەت بەو سزا زیندانییەی کە بەسەریدا سەپێندراوە، پەیامێکی بڵاوکردەوە.

 

پەیامەکەی ئایشە گۆککان بەم شێوەیەیە:

“لەو دۆسییەیەی کە بە تۆمەتی ئەندامێتی لە ڕێکخستندا بۆم کرایەوە، دادگا بە کۆی گشتی ١٩ ساڵ و شەش مانگ زیندانی بەسەرمدا سەپاند و بڕیاریدا مانەوەم لە زینداندا بەردەوام بێت، ئەم بڕیارە باوەڕی ئێمەی بە ڕەوایەتی تێکۆشانەکەمان لاواز نەکردووە؛ بەپێچەوانەشەوە ئیرادەی ئێمەی بۆ ڕاستی و دادپەروەری و ئازادی بەهێزتر کردووە، دەمەوێت سوپاسی هەموو ڕێکخراوەکانی ژنان، ڕێکخراوە جەماوەرییە دیموکراتیکەکان، داکۆکیکارانی مافی مرۆڤ، پارێزەران، ڕێکخراوە نێودەوڵەتییەکانی مافی مرۆڤ، نوێنەری لایەنە سیاسییەکان، ڕەنجدەرانی ڕاگەیاندن و هەموو کەسێکی خاوەن ویژدان بکەم کە لە نزیکەوە بەدواداچوونی بۆ پرۆسەکە کرد و لە یەکەم ڕۆژی دۆسییەکەوە تا کاتی بڕیارەکە پشتیوانی خۆیان دەربڕی.

 

ئەم پشتیوانییە بەهێزە تەنیا بۆ من نییە؛ بەڵكو بووەتە دەربڕینێکی مانادار لە تێکۆشانی ژنان بۆ یەکسانی و ئازادی و خاوەنداریکردن لە مافەکانی مرۆڤ و داوای دادپەروەری، هەر پشتگیرییەک کە لەم پڕۆسەیەدا دەربڕدراوە، هەر پەیامێک کە نێردراوە و هەر دەنگێک بەرز کراوەتەوە، جارێکی دیکە نیشانی دا کە ئێمە تەنیا نین.

 

دەزانین تێکۆشانی ژنان بۆ ئازادی و یەکسانی و ژیانێکی شکۆمەندانە تاوان نییە، بەو هیوای کە لەلایەن پشتیوانییەوە گەورەکرا، ئێمە هەمیشە پشتیوانی ئەو کەسانە دەکەین کە تێکۆشان بۆ ماف و ئازادی دەکەن، سوپاسی هەموو ئەو کەسانە دەکەم، کە دەنگی ئێمەیان گەیاند و هیوایان گەورەکرد، پشتیوانی گەورەترین هێزی ئێمەیە.