فڕۆکە جەنگییەکانی تورکیا ناوچەی بەرواری باڵای دهۆکیان بە چەکی کیمیایی بۆردومان کرد و بەهۆیەوە  سێ هاووڵاتی مەدەنی برینداربوون.

ناوەندی هەواڵ

 

بەپێی زانیاریەکانی ئاژانسی رۆژنیوز، ئێوارەی دوێنێ فڕۆکە جەنگییەکانی دەوڵەتی تورک بۆردومانی بەرواری باڵای سەر بە پارێزگای دهۆکیان کردووە و لە بۆردومانەکەدا چەکی کیمیایی بەکارهاتووە.

 

ئاماژە بەوەشکراوە، بەهۆی کاریگەری چەکە کیمیاییەکەوە هاووڵاتیان زیانیان بەرکەوتووە و سێ هاووڵاتی لە گوندی هرورێ بەهۆی ژەهراویی بوونەوە تووشی چاوسوربوونەوە و هەناسەتەنگیی و دڵتێکهەڵاتن بوون و بۆ چارەسەر ڕەوانەی نەخۆشخانە کرابوون.