وان

 

پۆلیسی مەدەنی وان هەڵیکوتایە سەر ماڵی پەیامنێری ئاژانسی ژن نیوز، حیکمەت تونج، بە بیانووی هەبوونی بۆمب لە ماڵەکەیدا کە لە گەڕەکی کوروباشی ئەدەرمیتای شاری وانە.

 

پۆلیس و سەربازان سەرەتا بە زرێپۆشی سەربازی گەمارۆی ماڵەکەیاندا، پاشان هەڵیانکوتایە سەر ماڵەکە و بە گەڕان و پشکنین هەموو کەلوپەلی ماڵەکەیان بەسەر یەکدا تێکدا، ڕێگەشیان نەدا کەس نزیکی ماڵەکە ببێتەوە، ئەو پۆلیسانەشی پشکنینی ماڵەکەیان کرد، پۆلیسی ژن نەبوون.

 

زانراوە کە داواکاری گشتی وان بە بیانووی هەبوونی "چەک و بۆمب" لە ماڵدا مۆڵەتی گەڕان و پشکنینی داوە، دواتر ماڵەکەیان بەجێهێشت، بێ ئەوەی هیچ شتێکیان دەستبکەوێت و کەس دەستگیربکەن.

 

ت.پ