ناوەندی هەواڵ

 

نەسرین جەوادی، چالاکوانی مافی کرێکاران، لە لیژنەیەکدا بۆ جێبەجێکردنی سزای ٥ ساڵەی زیندانیکردنی بۆ دادگای گشتی و شۆڕشی تاران بانگکراوە و دەبێت لە ماوەی مانگێکدا خۆی بە لقی ١ بناسێنێت.

 

جێگای ئاماژەیە، پارێزەری نەسرین جەوادی داوای نه‌توانینی به‌رگه‌گرتنی زیندان و بڕوانامه پزشكییه‌كانی بەهۆی پیری و چەندین نەخۆشی جوراۆجور و زۆر به‌كار هێنانی دەرمان پێشکەش به‌ دادگا کردووه.

 

نەسرین جەوادی، پێشتریش لە کاتی خۆپیشاندانەکانی ڕۆژی کرێکاراندا دەستگیرکرابوو بە سزای ماوەی حەوت ساڵ زیندانی کردن و ٧٤ قامچی، قه‌ده‌غه‌ی بەکارهێنانی مۆبایلی زیرەک و بەشداریکردنی لەحزب و گرووپە سیاسییەکان تومه‌تبار کرا و لەمانگی حوزەیرانی ئەو ساڵەدا بەکەفالەتی ١٠٠ ملیۆن تومەن لەزیندانی قرچەکی شاری ڤه‌رامین ئازادکرا.

 

نەسرین جەوادی، پیشتر کرێکار بووە لە کۆمپانیای دابەشکردنی کەلوپەلی پزیشکی و دابەشکردنی ئاسایشی کۆمەڵایەتی، ئەندامی دامەزرێنەری ئەنجومەنی کرێکارانی خانەنشینانی ئاسایشی کۆمەڵایەتی و ئەندامی یەکێتی کرێکارانی ئازاد بوو لە ئێران.