لەئەفغانستان میدیا وچاپەمەنییەکان لەژێر دەستی تاڵیباندایە
بەپێی ئەو زانیارییانەی لە سەرچاوە خۆجێییەکانەوە لە ئەفغانستان کۆکراوەتەوە، زۆرێک لە دەزگاکانی ڕاگەیاندن بەهۆی قەیرانی دارایی و سیاسی ئەو وڵاتە دەرگایان داخستووە، سەرنج ڕاکێشترین زانیاری هاوبەش ئەوەیە کە ٨٦ ٪ ی میدیاکاران و دەزگاکانی ڕاگەیاندن چیتر ناتوانن درێژە بە پیشەکەیان بدەن.
ناوەندی هەواڵ
خەڵک و ژنانی ئەفغانی بەهۆی کۆتایی هێنانی مۆسیقا و وێنە و وێنەی سەر دیوارەکان و پەروەردەکاری تێکەڵ و فشار لەسەر میدیاکان زەحمەتی زۆر تێدەپەڕێنن، ئەوانەی کە زۆرترین زیانیان بەرکەوتووە بەهۆی ئەو فشارەی ئێستاوە کارمەندی دەزگاکانی ڕاگەیاندنن، کە ٨٦ ٪ ی ئەو میدیا و میدیاکارانەی کە لەو وڵاتەدا کار دەکەن بێکارن.
دەزگاکانی ڕاگەیاندن داخراون
بەپێی ئەو زانیارییانەی لە سەرچاوە خۆجێییەکانەوە لە ئەفغانستان کۆدەکرێنەوە، بەهۆی کۆت وبەندییەکانی سەر میدیاکان و چاپەمەنییەکان، دەزگاکان ڕۆژ بە ڕۆژ دەرگایان دادەخرێت، پێش حوکمی تاڵیبان ١٩٠ وێستگەی ڕادیۆ و ٩٦ کەناڵی تەلەفزیۆنی و ١٨٣ دەزگای میدیای نوسراو هەبوون و لە کۆی ٤٨٣ دەزگای ڕاگەیاندن ٣٦٪ ی میدیاکاران ژن بوون.
باس لەوە دەکرێت کە ٥٪ ی ژنان ناتوانن دوای گۆڕینی بەڕێوەبەرایەتی و قەدەغەکارییەکان بەردەوام بن لە کارەکانیان لە میدیاکان و دەزگاکانی ڕاگەیاندندا، هاوکات ڕۆژنامەنووسانی بێشومار بێکارن.
داوا لە کۆمەڵگەی نێودەوڵەتی کرا کە هەڵوێستی هەبێت
یەکێتی نەتەوەیی ڕۆژنامەنووسانی ئەفغانستان داوا لە کۆمەڵگەی نێودەوڵەتی دەکات کە دۆخەکە چارەسەر بکەن و هەنگاوی بەپەلە بنێن، هاوکات داوا لە دەزگاکانی ڕاگەیاندن و پەخش کراوە کە لە ئەفغانستان بە کراوەیی بمێننەوە بۆ پاراستنی ئازادی ڕادەربڕین و مافەکانی مرۆڤ و مافە بنەڕەتییەکان.
بەرپرسانی کۆمەڵەی ڕۆژنامەنووسانی ئازادی ئەفغانستانیش لە پۆستەکانیاندا لەسەر هەژماری تۆڕە کۆمەڵایەتییەکانیان ڕایانگەیاند، کە چارەنووسی ئەو دەزگا زۆر کەمەی میدیا کە بە کراوەیی ماونەتەوە، ئەگەر پشتگیری نەکرێت، لە لێواری داخستندایە.