لە پایتەختی مەغریب ژنێک بۆ یەکەم جار بۆ سەرۆکایەتی هەڵبژێردرا
ئەسما ئەگلەلۆ لە ٨١ دەنگی ئەنجومەنی شاری ڕەبات، ٥٨ دەنگی بەدەستهێنا، ٨ دەنگ لە بەردەم بادیە بنانی پارتی داد و گەشەپێدان و حەسەن لاچکار لە یەکێتی سۆسیالیستی هێزەکانی گەل کە ٧ دەنگی وەرگرتبوو.
حەنان حەرت
مەغریب- ئەسما ئەگلەلۆ، لە گردبونەوە نیشتیمانییە سەربەخۆکان، هەڵبژاردنی گشتی بردەوە و بۆ شارەوانیی ڕەباتی پایتەخت هەڵبژێردرا لەو کارەدا بوو بە یەکەم ژن کە سەرۆکایەتی لە پایتەختی مەغریب بکات، بەم شێوەیە دەبێتە ژنی سێیەم کە لە هەڵبژاردنەکانی ساڵی ٢٠٢١دا سەرۆکایەتی دەکات، دوای ئەوەی زەهرا مەنسوری بوو بە سەرۆکی شارەوانی مەراکیش و نەبیلە ڕیمیلی بوو بە سەرۆکی شارەوانی دار ئەلبایدا ئەسما ئەگلەلۆ ئەم پۆستەی وەرگرت.
ئەسما ئەگلەلۆ لە ٨١ دەنگی ئەنجومەنی شاری ڕەبات ٥٨ دەنگی بەدەستهێنا، ٨ دەنگ لە بەردەم بادیە بنانی پارتی داد و گەشەپێدان و حەسەن لاچکار لە یەکێتی سۆسیالیستی هێزەکانی گەل کە ٧ دەنگی وەرگرتبوو.
"هەڵبژاردنی سێ ژن نیشانەی ئەرێنییە"
ئەسما ئەگلەلۆ لە ماوەی یاسادانانی پێشوودا جێگری سەرۆکی ئەنجومەنی نوێنەران بوو هەروەها لەنێو ئەو ناوە بەناوبانگانەی کە لە دیمەنی ئاهەنگەکەدا ئامادەبوون لە ڕەبەتی پایتەخت و ڕێککەوتنی ئەو لایەنانەی کە نوێنەرایەتی پەرلەمانی ڕەباتیان کرد کە پۆستی سەرۆکی شارەوانی ڕەباتی پایتەختیان بەدەستهێنا.
لەلایەکی ترەوە بوشرا عەبدۆ سەرۆکی کۆمەڵەی هاوسەنگی و هاووڵاتیبوون لەلێدوانێکدا بۆ ئاژانسەکەمان ڕونیکردەوە کە مەزەندەکردنی سێ ژن ڕاستەوخۆ لەو هەڵبژاردنەدا کە دوو هەفتە لەمەوبەر بەڕێوەچوو نیشانەی ئەرێنییە و دەیسەلمێنێت کە ژنانی مەغریب ئەوان پێشتر توانای گەیشتن بەپۆستەکانی بڕیاردانیان هەیە و درێژە بەقسەکانیان دەدەن و دەڵێن: "ئەمڕۆ ڕێککەوتنێکی سیاسی دەبینین کە لەڕێگەیەوە ژنان لەپۆستەکانی بڕیارداندا پێشنیار دەکرێن، بەڵام پرەنسیپی یەکسانی ناگرێتەوە، لەگەڵ ئەوەشدا، بەشداریکردن هێشتا کەمە".
"پێویستە ژنان لە سیاسەتدا شەڕ بکەن"
بوشرا عەبدۆ داکۆکیکار لەمافەکانی ژنان هیوای خواست لەقۆناغەکانی داهاتوودا بەپێی دەستوور و هەموو پابەندبوونە نێودەوڵەتییەکان کە لەلایەن مەغریبەوە پەسەندکراوە، بنەمای یەکسانی و یەکسانی ڕەگەزی لەهەموو مافەکاندا، بۆ ئەوەی دەستکەوتی زیاتر بەدەست بهێنن ، وتیشی:"پێویستە ئەمڕۆ ژنان لە سیاسەتدا شەڕ بکەن و بۆ ئەوەی ئەرکی سەرۆکایەتی بەدەست بهێنن، کاندیدی خۆیان پێشکەش بکەن".
هەرچەندە ئەم هەنگاوە بەپێی خواستەکانی بزووتنەوە فێمینیستییەکان نییە، بەڵام بوشرا عەبدۆ هێشتا ئەو هەنگاوەی بەقۆناغێکی ئەرێنی وەسفکرد. هیواخوازە لە ئاستی بارگرانی ئیداریدا ئەرکە ڕاستەقینەکان جێبەجێ بکات بۆ سەلماندنی باوەڕێکی ڕاستەقینە بە تواناکانی ژنان و پێگەیان لە گۆڕەپانی سیاسیدا.