ناوەندی هەواڵ

 

یەمەن ڕووبەڕووی پەرەسندنێکی سەربازی مەترسیدار دەبێتەوە لە ئەنجامی توندکردنەوەی هێرشە مووشەکییەکان و فڕۆکە بێفڕۆکەوانەکانی حووسییەکان بۆ سەر ناوچە نیشتەجێبووەکان، ئەمەش بووە هۆی کەوتنەوەی زیانبەرکەوتووی لەناو هاوڵاتییانی مەدەنی و قووڵبوونەوەی قەیرانی مرۆیی، لە پاڵ سەرکۆنەکردنێکی فراوان و نیگەرانی لە پووکانەوە یان تێکچوونی هەوڵەکانی ئارامکردنەوە و ئاشتی.

فەرمانگەی کاروباری گەمارۆ لە تەعز ڕایگەیاند، لە ئەنجامی تۆپباران و تەقەی توندی حوسییەکان بۆ سەر گەڕەک و گوندەکانی نیشتەجێبوونی شارەکە لە نێوان ١٤ بۆ ٢٠ی تشرینی یەکەم، نۆ هاوڵاتیی مەدەنی گیانیان لەدەستداوە و ٤٢ کەسی دیکەش برینداربوون.

 

ئاماژەی بەوەشکردووە، لە ماوەی یەک هەفتەدا کۆی گشتی زیانبەرکەوتووانی مەدەنی گەیشتووەتە ٥١ کەس، بەجۆرێک زیانبەرکەوتووان بەم شێوەیە دابەشکراون: شەش ژن و سێ پیاو لە هێرشەکاندا کوژراون، هاوکات ٤٢ کەسیش برینداربوون بە توندی جیاواز، لەنێویاندا ١٢ منداڵ و ١٢ ژن و ١٨ پیاو.

 

پشتڕاستی کردەوە، کە ئەم بە ئامانجگرتنی ڕاستەوخۆی ناوچەی دانیشتووانە نوێنەرایەتی پەرەسەندنێکی "سیستەماتیک" دەکات و نموونەیەکی توندی هێرشەکانی بەردەوامە بۆ سەر هاوڵاتیانی مەدەنی لە شارەکەدا، ئەو زیانانەی کە بەهۆی تۆپباران لە گەڕەک و ماڵەکانیان داوە، زۆرینەی زیانبەرکەوتووان گیانیان لەدەستداوە، بریندارەکانی دیکەش بەهۆی فیشەکی قەناس و بۆردومانی فڕۆکەی بێفڕۆکەوان و مینی چێندراو بووە.

 

ڕوونیکردەوە، ئەم ژمارەیە ڕەنگدانەوەی ڕادەی ئەو ئازارانەیە کە دانیشتوانی شاری تەعز بەرگەی گرتووە، بە لەبەرچاوگرتنی بەردەوامی پەرەسەندن و ئەو مەترسییە ڕاستەوخۆیەی کە لەسەر ژیان و ئاسایشی هاوڵاتیانی مەدەنی دروستی دەکات، داوای لە دەسەڵاتداران و ڕێکخراوە مرۆییەکان و گروپەکانی مافی مرۆڤ کردووە، بەپەلە هەنگاو بنێن بۆ پاراستنی هاوڵاتیانی مەدەنی و ڕاگرتنی ئەوەی کە بە "ئامێری کوشتنی حوسییەکان" پێناسەی کردووە، پێش ئەوەی زیانبەرکەوتووی زیاتری لێبکەوێتەوە.