ناوەندی هەواڵ

 

ئەمڕۆ شەممە، "ستافی بوژاندنەوەی چاکە و قەدەغەکردنی خراپە" مازندەران ڕایگەیاند کە بەهۆی " بێ حیجابی و نۆرم شکاندن لەلایەن سەردانیکەران و نەبوونی بەرپرسیارێتی بەڕێوەبەر و سودمەندی دارایی بۆ ڕێگریکردن لەم کارانە"، ڕاگەیەندراوە کە کۆمەڵگەی کات بەسەربردن و گەشتیاری بەناوی "شەهید ڕەجایی" لە شاری ساری مۆر کراوە.

 

بە پێی ئەو ڕاپۆرتەی کە بڵاوکراوەتەوە، هۆکاری مۆرکردنی ئەم کۆمەڵەیە لە "بارەگای بوژانەوەی مازەندەران بۆ چاکە و قەدەغەکردنی خراپە"، بە تۆمەتی " جێبەجێنەکردنی حیجابی زۆرەملێ و شکاندنی نۆرم لەلایەن سەردانیکەران و نەبوونی بەرپرسیارێتی بەڕێوەبەران و سودمەندی دارایی بۆ ڕێگریکردن لەم کارانە" ڕاگەیەندرا.

 

هەروەها بەپێی ئەو ڕاپۆرتە ئامارییانەی کە لەلایەن هارانا بڵاوکراوەتەوە، لە ماوەی یەک مانگدا لە ١٥ ئادار تا ١٥ نیسان زیاتر لە ٤٥٨ سەندیکای کرێکاری لە ئێران بە هۆی ڕەچاونەکردنی "حیجابی زۆرەملێ" لە لایەن سەردانیکەران یان کارمەندانەوە داخراون.

 

لەو ژمارەیەش ١٨ چێشتخانەن، ٢٣ یان لەبواری گەشتیاریدا چالاکن، ٢ دوکانیان دوکانی جلوبەرگن، جگە لەوەش چالاکیی ٤١٥ یەکەی دیکە دیاری نەکراوە.

 

بەگوێرەی لێدوانی ئەو چالاکوانانە، پێدەچێت گوشار لەسەر یەکەکانی بازرگانی و گەشتیارییەکانیش هەبێت بەهۆی پابەندنەبوون بە "حیجابی زۆرەملێ" لەلایەن سەردانیکەران و کارمەندانەوە، بە ئامانجی ناچارکردنی هاوڵاتیان بۆ جێبەجێکردنی "حیجابی زۆرەملێ" بۆ ژنان.

 

لە حاڵێکدا کە شێوازی " حیجابی زۆرەملێ" لە لایەن ڕژێمی ئێرانەوە بە دڵنیاییەوە شکستی هێناوە و ڕاپەڕینی جەماوەری "ژن، ژیان، ئازادی" گەورەترین ڕاپەڕینی جەماوەری دژ بە ڕژێم هەبووە تا ئێستا بووە.