ناوەندی هەواڵ

 

لە تارانی پایتەختی ئێران، ئارمیتا گراوندی تەمەن ١٦ ساڵ لە کاتێکدا لەگەڵ هاوڕێکانیدا هەوڵیاندا سواری پاس ببن، لەلایەن پۆلیسی ئەخلاقەوە بەبیانووی ئەوەی کە سەپاندنی حیجابی ڕەتکردەوە ئەشکەنجەدرا و بۆ ماوەی ٢٨ ڕۆژ لە کۆمادا مایەوە، دوێنێ لە یەکەی چاودێری سەختی نەخۆشخانەی فەجرلە تاران گیانی لەدەستدا.

 

بەپێی هەواڵی میدیاکانی ئێران، بنەماڵەی ئارمیتا ویستیان تەرمی کچەکەیان ببەنەوە بۆ کرماشان و لەوێ بەخاکی بسپێرن، بەڵام ڕژێم ڕێگەی پێنەدان و بە پێی زانیارییەکان دەزگای هەواڵگری ئێران هەڕەشەیان لە خێزانەکە کردووە.

 

بۆیە ئەمڕۆ لە ڕەوشێکی گەمارۆدراودا تەرمی ئارمیتا گراوند لە گۆڕستانی بەهەشتی زەرا لە تاران بەخاک سپێردرا و تا ئێستاش ٨ کەس، کە ئامادەی پرسەکە بوون، دەستگیر کراون.