ناوەندی هەواڵ

 

سبەینێ، ١٩ی تەمموز، ١٠یەمین ساڵیادی شۆڕشی ڕۆژئاوای کوردستانە، کە بە شۆڕشی ژن بەناودەکرێت و چەندین دەستکەوتنی مێژووی و ژیانی لە ئاستی سیاسی، کۆمەڵایەتی، ئابووری و بەڕێوەبردن بۆ کورد بەدەستهێنا و تێکۆشانی ژنی کورد و نەتەوەی کوردی بە جیهان ناساند.

 

بۆ پیرۆزکردنی ساڵیادەکە و کۆکردنەوەی پشتیوانی وڵاتپارێزان، ئازادیخوازان و ژنان و چالاکوانانی کورد و نێودەوڵەتی، کەمپەینی "RiseUp4Rojava / بۆ رۆژئاوا ڕاپەڕە" ئەمشەو کاتژمێر ٩:٠٠ بە کاتی باشووری کوردستان لە تۆڕە کۆمەڵایەتییەکان هەڵمەتی هاشتاگی "#10yearsRojava" دەستپێدەکات.

 

کەمپەینەکە لە بارەی هەڵمەتەکەوە ڕایگەیاندووە: ئێمە دەمانەوێت لەلایەکەوە یادی دەسکەوتەکانی ئەو ١٠ ساڵەى ڕابردووە پیرۆز بکەین، لە لایەکی دیکەشەوە دەمانەوێت سەرنجەکان ڕابکێشینە سەر هەڕەشەکانی دەوڵەتی تورکی داگیرکەر و هێرشەکانی سەر ڕۆژئاوا. هیوادارین ئێوەش لەو چوارچێوەیەدا بەشداری هەڵمەتی هاشتاگی ئێمە بکەن پێکەوە شۆڕش بڵاودەکەینەوە و یادی ١٠ ساڵەی شۆڕشی ڕۆژئاوا پیرۆز بکەین.