ناوەندی هەواڵ

 

ڕۆژی چوارشەممە، لە درێژەی ناڕەزایەتی و مانگرتنی سەرتاسەری لە ئێران و لە هەمان کاتدا لەگەڵ مانگرتنی بازرگانان لە شارە جیاجیاکانی ئێران، وەک هاوسۆزی لەگەڵ خۆپیشاندەران و دژی سەرکوتکردنی توندوتیژانەی خۆپیشاندەران، شۆفێرانی کۆمپانیای غازی لوڕستان وازی لە کارکردن هێنا و پەیوەندی بە ڕاپەڕینە سەرتاسەرییەکە کرد.

 

سێشەممەی ڕابردوو، کرێکارانی کۆمپانیای پۆڵا گڕۆس بیجار و کرێکارانی کۆمپانیای پۆڵای کاوە بەندەر عەباس کارەکانیان ڕاگرت و وەک هاوسۆزی لەگەڵ ناڕەزایەتی و مانگرتنە سەرتاسەرییەکانی ئێران و وەک ناڕەزایەتی دەربڕین بەرامبەر بە پاشەکەوتی موچەکانیان، پەیوەندییان بە مانگرتنە گشتییەکانەوە کرد.

 

لە ماوەی چەند ڕۆژی ڕابردوودا، کرێکارانی پترۆکیمیای عەسەلویە، کرێکارانی پاڵاوگەی ئابادان، سەندیکای کرێکارانی بیناسازی سەقز، کرێکارانی پڕۆژەی پترۆشیمی کەنگان، کرێکارانی نیسکی هەفت تەپە، بازرگانانی شارە جیاوازەکانی ڕۆژهەڵاتی کوردستان و ئێران، لەوانە سنە، سەقز، بانە، مەهاباد، تاران بۆ پشتیوانی لە ڕاپەڕینی نەتەوەیی مانگرتنیان ڕاگەیاند و کارەکانیان ڕاگرت، بازرگانیش دوکان و شوێنە بازرگانییان داخست.