ناوەندی هەواڵ

 

نوێنەری گشتی وانەبێژان لە هەرێمی كوردستان لە گردبوونەوەكەدا بۆ کەناڵەکانی ڕاگەیاندن ئاماژەی بەوەداوە، تا ئێستا ٥٠٦ یاداشتیان داوەتە حكومەتی هەرێم بە مەبەستی جێبەجێكردنی داواكاریەكانیان، بەڵام دەسەڵات بێباكە و وەڵامیان نادەنەوە.

 

ئەوەشی خستەڕوو،  ئەگەر حكومەتی هەرێم بەو جۆرە بەردەوام بێت و وەڵامی داواكاریەكانیان نەداتەوە، ئەوا بایكۆت دەكەن و خێمە لە بەردەم تەلاری ئەنجومەنی وەزیران هەڵدەدەن.

 

ئەوە لە کاتێکدایە ساڵانە چەندین گردبوونەوە و خۆپیشاندان لەلایەن توێژە جیاوازەکانەوە ئەنجامدەدرێت بە مەبەستی جێبەجێكردنی داواكاریەكانیان، هەروەها مامۆستایانی وانەبێژ بەردەوامن لە گردبونەوەكانیان بە مەبەستی دامەزراندنیان بە شێوەی هەمیشەیی، بەڵام تاوەكو ئێستا داواكارییەكانیان وەڵام نەدراوەتەوە و بە چەند مانگێک بڕێکی کەم مووچەیان بۆ پێدەدرێت.