ناوەندی هەواڵ

 

لە درێژەی هێرشەکانی دەوڵەتی تورک و چەتەکانی سەر بە دەوڵەتی تورکیا بۆ سەر بەنداوی تشرین، دوێنێ هێرشێکی ئاسمانی کرایەسەر ئەو کەسانەی ئێشکگری بەنداوەکە دەکەن، دوو کەس گیانیان لەدەستدا و هاوڵاتییەکی زۆریش برینداربوون.

 

تا ئێستا هیچ لێدوانێکی فەرمی سەبارەت بە ئەنجامی وردی هێرشەکە نەدراوە

دوای هێرشەکە دەوڵەتی تورک و چەتەکانی هەندێک گرتە ڤیدیۆیی هێرشەکەیان بڵاوکردەوە، لە گرتە ڤیدیۆییەکاندا دەردەکەوێت کە خەڵکی مەدەنی لە تشرین کە ئێشکگرییان دەکرد، ڕاستەوخۆ دەکرێنە ئامانج. ئەم وێنانەى خەڵکی مەدەنی لەکاتی بۆردوومانەکەدا برینداربوون و لە ترس و دڵەڕاوکێدا بەدەوریدا کەوتن و بڵاوبوونەتەوە، ڕاستەوخۆ ئەو تاوانە جەنگییە بەڵگەدار دەکەن کە دەوڵەتی تورکیا بەرامبەر بە خەڵکی مەدەنی ئەنجامیداوە.

 

هەرچەندە ئەم هێرشانە وەک تاوانی جەنگ سەیر دەکرێن، بەڵام دامەزراوە و ڕێکخراوە نێودەوڵەتییەکان لە بەرامبەر ئەم هێرشانەی دەوڵەتی تورکیا بۆ سەر ناوچەکانی ڕۆژائاوا، باکوور و ڕۆژهەڵاتی سووریا بێدەنگن.