ناوەندی هەواڵ

 

کۆمەڵەی ژنانی زەنۆبیا لە ڕاگەیەندراوێکی نووسراوی بڵاوکردەوە و گیان لەدەستدانی ٣ ئەندامیانی ڕاگەیاند، هەروەها دەڵێت: لە هێرشی دەوڵەتی تورک و چەتەکانی بۆ سەر کانتۆنی مەنبەج ٣ لە ئەندامانمان بە ناوەکانی قەمەر سواد و ئایشە عەبدولقادر و ئیمان گیانیان لەدەستداوە.

 

دەقی ڕاگەیەندراوی کۆمەڵەی ژنانی زەنوبیا؛

سێ ئەنداممان بە ناوەکانی “قەمەر سواد، ئایشە عەبدولقادر و ئیمان” لە هێرشی سوپای داگیرکەری تورک و چەتەکانی شەهیدبوون، هەر سێ هاوڕێکەمان نموونەی گیانبازیی بوون و لە بەرامبەر مردندا بە قارەمانێتی پێداگرییان کرد.

شەهیدبوونی ئەو هاوڕێیانەمان دەبێتە سەرەتایەکی نوێی پەیمان نوێکردنەوە، بەدەستهێنانی ئازادیی و سەربەخۆیی، قەمەر، ئایشە و ئیمان لە دژی هێزە تاریکپەرست و دوژمنان شەڕێکی توندیان کرد و لە پێناو پاراستنی منبجدا گیانبازیی گەورەیان نواند.

بانگەوازی ئاراستەی کۆمەڵگەی نێودەوڵەتیی دەکەین دەستبەجێ هێرشەکانی دەوڵەتی تورک بۆ سەر منبج ڕابگرن و هاوڵاتییانی مەدەنیی لە تاوانەکانی شەڕ بپارێزن.