ناوەندی هەواڵ

 

ماوەی دوو ڕۆژە سەرژمێری گشتی لە عێراق و هەرێمی کوردستان دەستیپێکردووەو لەم پڕۆسەیەدا بژمێرەکان دەچنە هەموو ناوچەیەک و ماڵ بە ماڵ دەگەڕێن بۆ مەبەستی تۆمارکردنی ناوی هاوڵاتیان، بەڵام لەو ناوچانەی هەرێمی کوردستان کە مەترسی هێرش و بۆردوومانیان لەسەرە، گرفت بۆ پڕۆسەکە دروستبووە.

 

سیروان محەمەد، سەرۆكی دەستەی ئامار و بریكاری وەزارەتی پلاندانانی حكومەتی كاربەڕێكەری هەرێمی كوردستان لەبارەی مەترسی هێرشەكانی دەوڵەتی تورك لەسەر ئەنجامدانی پرۆسەی سەرژمێری وتی: بۆردوومانەكانی سوپای توركیا گرفتی بۆ پرۆسەی سەرژمیری درووستكردووە، ناتوانین بژمێر بنێرینە ئەو ناوچانەی مەترسیى هێرشیان لەسەرە.

 

جێگای ئاماژەیە ڕۆژانە دەوڵەتی تورك بۆردوومانی ناوچە جیاوازەكانی هەرێمی كوردستان دەكات و هاوڵاتی مەدەنی و ژینگەكەی دەكاتە ئامانج، بەڵام تا ئێستا حكومەتی عێراق و كاربەڕێكەری هەرێم هیچ هەڵوێستێكیان نەبووە.