ناوەندی هەواڵ

 

دوێنێ، ١٦ی ئاب لە شاری هەولێر شاندێکی کۆنگرەی نەتەوەیی کوردستان بە هاوسەرۆکایەتی زەینەب موراد، هاوسەرۆکی کەنەکە سەردانی دەستەی سەربەخۆی مافی مرۆڤی لە هەرێمی کوردستان کرد و لەلایەن مونا یاقۆ سەرۆکی دەستەکە پێشوازی لێکرا.

 

لە دانیشتنەکەدا گفتوگۆ لەبارەی  خراپیی ڕەوشی مافی مرۆڤ و ئەو پێشێلکارییانەی دەکرێنە سەر مافی هاوڵاتییان کرا، کەنەکە و دەستەی مافی مرۆڤ جەختیان لەوەکردەوە کە هەرچی زووە ڕێگری لە پێشێلکارییەکان بکرێت کە دەکرێتە سەر ماف و ئازادییەکانی هاوڵاتیانی هەرێمی کوردستان.

 

کەنەکە لە ڕاگەیەندراوێکدا ئەوەی خستووەتەڕوو، "کەنەکە پشتیوانیی لە هەر هەوڵێک دەکات، کە بە ئاڕاستەی ڕێگریکردن لە پێشێلکردنی مافی مرۆڤ بنرێت".