ناوەندی هەواڵ

 

بەهۆی کەوتنەوەی ئاگر لە بەغداد سێ کەس گیانیان لەدەستدا کە یەکێکیان منداڵە و لە نەجەفیش هەر بەهۆی کەوتنەوەی ئاگرەوە منداڵێک گیانی لەدەستدا.

 

بەرگری شارستانی بەغداد ڕایگەیاند، بەهۆی کەوتنەوەی ئاگر لە ماڵێك لە ناوچەی بیاعی بەغداد سێ کەس گیانیان لەدەستداوە و چوار کەسیش ڕزگارکراون.

 

سەبارەت بە هۆکاری کەوتنەوەی ئاگرەکە بەرگری شارستانی بەغداد تا ئێستا لە لێکۆڵینەوەدان و دیار نییە بەهۆی چییەوە ئاگرەکە کەوتووەتەوە، بەڵام ئەوانەی گیانیان لەدەستداوە بەهۆی دوکەڵی زۆری ئاگرەکەوە خنکاون.

 

لە پارێزگای نەجەفیش بەهەمان شێوە، لە ڕووداویکی کەوتنەوەی ئاگردا منداڵێک گیانی لەدەستداوە و دوو کەسی دیکەش سوتاون.