ناوەندی هەواڵ – دادگای باڵای ئێران، دوای تێبینی پارێزەرەکەی، حوکمی لەسێدارەدانی لەیلا ئەبوولحوسنی هەڵوەشاندەوە. لەیلا، لە ٨ی کانوونی دووەمی ٢٠٢٦دا، لە خۆپیشاندانەکانی شاری شاهینشەهر، سەر بە پارێزگای ئیسفەهان، دەستگیر و زیندانی کرابوو.

 

لقی پێنجەمی دادگای شۆڕشی ئیسفەهان، بە سەرۆکایەتی  دادوەر حەمەدنجاد  ، لە کۆتایی مانگی ئایاری ٢٠٢٦دا، بە تۆمەتی «شەڕکردن»، حوکمی لەسێدارەدانی بەسەردا سەپاند و دواتر بۆ زیندانی دەوڵەتئابادی ئیسفەهانی گواستەوە.

 

لەیلا ئەبوولحوسنی بەشداری لە هێرشێکی ئاگر تێبەردراودا بۆ سەر یەکێک لە سوپەرمارکێتەکانی زنجیرەی «ئوفوق کورۆش» لە شاهینشەهر تۆمەتبار کراوە. بەڵام بەڵگەکانی پشتگیری لە تاوانباربوونی و وردەکارییەکانی بەرگریی لەیلا ئەبوولحوسنی ئاشکرا نەکراون.

 

دوای هەڵوەشاندنەوەی بڕیارەکە لەلایەن دادگای باڵاوە، دۆسیەکەی بۆ پێداچوونەوەی دووبارە نێردرایەوە دادگای پەیوەندیدار.