ناوەندی هەواڵ

 

یارییەکانی مۆی تای و کیک بۆکسینگ لەسەر ئاستی ئەوروپا ئاستێکی بەرزی ڕکابەرییان تێدایە و بەشداربووانی وڵاتانی جیاواز لە ڕێکخراوە وەرزشییە فەرمییەکاندا ڕووبەڕووی یەکتر دەبنەوە بەدەستهێنانی دەستکەوت لەلایەن تەمەنێکی بچووکی وەک ١٣ ساڵیدا ئاماژەیەکی بەهێزە بۆ ئایندەی ئەم وەرزشوانە لە گۆڕەپانی وەرزشی نێودەوڵەتیدا

 

بێریتان جەمال حەمەحەسەن یاریزانی کوردی خەڵکی دەربەندیخان لە تەمەنی ١٣ ساڵیدا سەرکەوتنێکی گەورەی لە وڵاتی ئەڵمانیا تۆمارکرد دوای ئەوەی بەشداری لە پاڵەوانێتییەکی بەهێزی یارییەکانی مۆی تای و کیک بۆکسینگدا کرد

 

لە ئامادەکارییە سەختەکانەوە تا گەیشتن بە گۆڕەپانی ڕووبەڕووبوونەوە بێریتان بەرامبەر یاریزانی خاوەن ئەزموونی وڵاتانی بەلجیکا و هۆڵەندا و ئەڵمانیا سەركەوتووانە جەنگا لە یەکێک لە یارییە یەکلاکەرەوەکاندا بەهۆی باڵادەستی و لێهاتوویی بێریتانەوە ڕکابەرەکەی ناچار بە پاشەکشە بوو لە بەرامبەریدا

 

ئەنجامەکانی بێریتان لەم پاڵەوانێتییەدا بەم شێوەیە بوون

 

 یاریی مۆی تای پلەی یەکەم و بەدەستهێنانی پشتوێنی پاڵەوانێتی

 یاریی کیک بۆکسینگ پلەی دووەم و بەدەستهێنانی مەدالیای زیو

 

ئەم سەرکەوتنەی بێریتان جەمال نەک تەنها دەستکەوتێکی کەسییە بۆ خۆی و خێزانەکەی بەڵکو شانازییەکی ترە بۆ وەرزشی کوردی لە گۆڕەپانە نێودەوڵەتییەکاندا