ناوەندی هەواڵ

ڕەمزیە تۆسون، نوران ئیمیر، حەسەن ئۆزگونەش، ئایشە سوروجو، سدیق تاش، پەرلەمانتارانی پارتی دیموکراتی گەلان "هەدەپە"، بەردان ئۆزتورک، هاوسەرۆکی کۆنگرەی کۆمەڵگەی دیموکراتیک "کەجەدە"  ، سالیحە ئایدەنیز و کەسکین بایندر هاوسەرۆکانی گشتی پارتی هەرێمە دیموکراتییەکان "دەبەپە" ،هەروەها بەڕێوەبەرانی تەڤگەری ژنانی ئازاد و ئەنجومەنی دایکانی ئاشتی لەگەڵ هەزاران کەس لە ماردین، سێرت، ئێلح، ئامەدەوە بەڕێکەوتن لە شارۆچکەی تلقەبین لە ناوچەی سلۆپی سەربە شرناخ کۆبوونەوە.

 

بەهەزاران کەس بۆ شەرمەزارکردنی هێرشە داگیرکارییەکانی دەوڵەتی تورک و خیانەتی پارتی دیموکراتی کوردستان بۆ سەر ناوچەکانی باشوری کوردستان، بەرەو دەروازەی سنوری خابوور کە لەسەر سنوری باکور و باشوری کوردستانە بەڕێکەوتن.