rojane

13:30

Di encama êrîşa çekdarî ya ji aliyê 2 çekdaran ve li pêşiya Nexweşxaneya Kindî ya bajarê Humsê pêk hat de, 4 xebatkarên tenduristiyê hatin qetilkirin û yek jî birîndar bû.

12:56

Hevya Sor a Kurd, banga lezgîn ji bo rawestandina êrîşên li ser taxên Şêx Meqsûd, Eşrefiyê û Benî Zêd ên Helebê kir û ji bo tehliyekirina birîndaran û gihandina alîkariyan daxwaza vekirina korîdorên mirovî kir.

12:44

Jinên Êzidî sê pêşengên têkoşîna azadiyê Sakîne Cansiz, Leyla dogan û Fîdan Şaylemez bibîr anîn.

12:40

Meclîsa Gel a Taxên Şêx Meqsûd û Eşrefiyê bi daxuyaniyek diyar kir ku komên çete li ser şêniyên taxan û asayîşê teslîmiyetê ferz dikin, hewl didin komkujiyan bikin û wiha hat gotin: "Me biryar daye em ê li taxên xwe bimînin û taxên xwe biparêzin."

11:38

Neteweyên Yekbûyî, ragihand ku li Yemenê şewba kolerayê bi awayekî tirsnak belav dibe û di 22 mehên dawî de zêdetirî 339 hezar bûyerên gumanbar hatine tomarkirin, zêdetirî hezar û 102 kesan jiyana xwe ji dest dane.

11:15

Di êrîşên hewayî yên Îsraîlê li dijî Zîvala Xezayê de 5 jê zarok 14 kes hatin qetilkirin. NY’ê ragihand ku qeyrana mirovî li Xezayê gihîştiye astên xeternak û hat ragihandin ku li herêmê alîkariya bingehîn pir kêm e.

11:13

Di van rojên dîrokî ku gefên li ser gelên Rojhilata Navîn û cîhanê pir zêde bûne de, divê hemû gel, komên demokratîk, çepgir û sosyalîst ji bo pêşerojek azad û demokratîk rabin ser piyan û ji rejîma çeteyan re bêjin raweste.

11:11

Li Îranê bi qutbûna înternetê re, li bajarên Kerec, Kamyaran, Kirmaşan û bajarên din nûçeyên qetilkirina xwepêşanderan tên. Li gorî raporan, tenê li Kerecê, bi gulebarana hêzên ewlehiyê zêdetirî 50 kes hatin kuştin.

10:27

Di encama komkujiya cîhadîstên HTŞ’ê ya li dijî maleke li taxa Şêx Meqsûd a Helebê de, 3 jê zarok 6 kesên ji malbatek hatin qetilkirin.

09:43

Jinên Suweydayê, bombebaran û binpêkirinên li dijî sivîlên li taxên Kurdan ên Helebê şermezar kirin û destnîşan kirin tiştên tên jiyîn, sûcê li dijî mirovahiyê ye û bi tu hinceteke siyasî yan leşkerî nikare bê rewakirin.

09:34

Jinên Amedê diyar kirin ku HTŞ bi êrîşên li dijî dijî taxên Şêx Meqsûd û Eşrefiyê yên Helebê, hewl dide modela jiyana alternatîf a bi pêşengiya jinan li herêmê çêbûye bike hedef û bertek nîşanî bêdengiya hêzên navneteweyî dan.

09:05

Dîrokzan Wijdan Nûredîn li ser Sakîne Cansiz got ku bi têkoşîna xwe bûye hêvênê avabûna hêza xweparastinê û da zanîn ku bi têkoşîn û baweriya xwe hewl da nasnameya jinên Kurd bike malê dîrokê.

09:02

Malbat û perwerdekarên li Tûnisê, piştî ku xwendekarek pola 8’an hat angaştin xwe kuştiye, diyar kirin ku di nav zarok û ciwanan de zordestiya li hember hevdû zêde bûye û gotin ku pêwîst e malbat jî baldar bin.

08:22

Rêvebera Rêxistina Stêrk a li Qamişloyê Sabah Fadil, diyar kir ku zarokên li taxên Şêx Meqsûd û Eşrefiye ji ber agirbesta ku bi berdewamî tê binpêkirin, bi xetereya derûnî û civakî re rûbirû ne û da zanîn ku hewl didin piştgiriyê bidin wan.

08:15

Jinên Êzidî bi bîr xistin ku di dema êrîşa qirkirina li hember Şengalê de gelê Rojava piştevaniya wan kirine û gotin “Em dikarin sînoran bişkînin û herin piştgirî bidin wan.”

07:22

Rêvebera Mala Jinê Hedla Ebdilwehab destnîşan kir ku zewicandina zarokan û pirjinî li Çiyayê Kizwanan zêde bûye, ji bo pêşî li vê yekê bigirin, dest bi nasandina Zagona Malbatê kirine.

23:40

Tevgera Azadiya Jinên Êzidî (TAJÊ) li navenda Şengalê, êrîşên li ser taxên Şêxmeqsûd, Eşrefiyê û Benî Zêd ên Helebê bi daxuyaniyeke şermazerkirin û piştewaniya xwe ji jinên Heleb û Rojhilatê Kurdîstanê da diyar kirin.

23:05

Platforma Yekîtiya Jinên Kurd ên Ewropayê êrîşên li ser taxên Şêx Meqsûd û Eşrefiye yên li Helebê û êrîşên rejîma Îranê li dijî xwepêşandaran şermezar kir û destnîşan kir ku van êrîşan îradeya gel hedef digre.

23:00

Hesabên Tirkî, Kurdî û Îngilîzî yên JINNEWS û Ajansa Mezopotamya yên li ser platforma X’ê, ji aliyê X’ê ve hatin astengkirin.

22:59

Di encama êrîşên cîhadîstên Heyet Tehrîr el-Şam (HTŞ) ya li dijî taxên Kurdan ên li Helebê de piraniya wan jin û zarok 13 welatî hatin qetilkirin û 64 kes jî birîndar bûn.