Navenda Nûçeyan- Li gorî rapora mehane ya cînayetên kar a Meclisa Tenduristiya Karker û Ewlehiya Kar (ÎSÎG), di meha Tîrmehê de li Tirkiyê 15 jê zarok 169 karkeran di cînayetên kar de jiyana xwe ji dest dane. Li gorî heman raporê di 7 mehên sala 2022’an de hezar û 14 karkeran jiyana xwe ji dest dane.

Di raporê de cih dane qadên kar ku karkeran lê jiyana xwe ji dest daye û gelek agahiyên karkerên jiyana xwe ji dest dane ji çapemeniyê girtine, agahiyên mayî jî bi rêya ji hevalên karkeran, malbat, sendika û pisporên ewlehiya kar girtine. Di raporê de hat destnîşankirin ku di meha tîrmehê de herî kêm 169 karkeran jiyana xwe ji dest daye û 15 karker jê zarok in. Di raporê de hat diyarkirin ku di 6 mehên salê de herî kêm 24 zarokên karker jiyana xwe ji dest dane û her wiha di van 6 mehan de 55 penaberên karker jî jiyana xwe ji dest dane.