سۆرگوڵ شێخۆ

 

حەسەکە- پزیشکەکان لە ناوچەی سەرێکانی کە لە ژێر داگیرکاری دەوڵەتی تورکیادایە لەگەڵ پزیشکەکانی دیکە نەخۆشخانەیەکی تایبەتیان کردەوە بە ناوی نەخۆشخانەی خابور لە ناوچەی تل تەمر، ئامانج لە کەمکردنەوەی باری نەخۆشەکان بوو. لە ناوچەی تل تەمر و گوندنشینەکانی، زیاتر لە سێ هەزارو ٥٠٠ کۆچبەر لە عەفرین، سەرێکانی، تل تەمرو زرگان دەژین.

 

نەخۆشخانەی خابور بە ١٤ پزیشکی پسپۆڕو بەشە جیاوازەکان لە ٣٠ی کانوونی دووەمی ئەمساڵدا کرایەوە، تا ٢٧ی ئاداردا، ٦٩ نەخۆش نەشتەرگەرییان بۆ کراوە و زیاتر لە ٩٤٢ نەخۆش پێشوازییان لێکراوە، هەروەها ٤٠٠ نەخۆش شیکردنەوەی هۆرمۆن و جۆرەکانی خوێنیان کردووە، لە کۆی ١٤ پزیشک، پێنجیان پزیشکی ژنانە و ئەوانی دیکە پزیشکی گشتی و دڵ و گوێ و هتدن، نزیکەی ١٠  لەدایکبوونی سروشتی و ٣٠  نەشتەرگەری قەیسەریی بۆ ژنان کراون.

 

نەخۆشخانەی خابور نەخۆشخانەیەکی تایبەتە و لەلایەن پزیشک و کەسایەتییەکانەوە بەڕێوەدەبرێت، هیچ هاوکارییەک لە ڕێکخراوە تەندروستیە نێودەوڵەتی و هەرێمییەکانەوە دابین نەکراوە، نەخۆشخانەکە بە گفتوگۆ و هاوکارییەکانی لەگەڵ نەخۆشەکاندا دەنگی زۆری داوەتەوە.

 

بوشرا ئەلجەدو، پەرستار لە بەشی نەشتەگەری، باسی لە پێویستی دروستکردنی نەخۆشخانە و یارمەتیدانی نەخۆشخانەکان کرد.

 

"نەخۆشخانەی خابور بۆ بەهێزکردنی تەندروستییە"

لە سەرەتای قسەکانیدا بوشرا ئەلجەدو وتی: گرنگە کەرتی تەندروستی لە ناوچەی تل تەمر بەهێز بکرێت و ئەو بۆشاییانە پڕ بکرێتەوە کە بارگرانی نەخۆشەکان خراپتر دەکەن وتیشی: نەبوونی نەخۆشخانەی تایبەت و گشتی لە تل تەمر، دەبووە هۆی گەشتی نەخۆش بۆ شارەکانی دیکە، دانی پارەیەکی زۆر لەسەر ڕێگا، کڕینی دەرمان و مانەوە لە نەخۆشخانەکان، هەروەها نەبوونی پزیشکی پسپۆڕ لە ناوچەکە، ئێمە وەک پزیشک بەرپرسیارێتی نەخۆشەکانمان بینی و ئەم نەخۆشخانەیەمان کردەوە، نەخۆشخانەکە پزیشکی نەشتەرگەری گشتی هەیە، ئێسک، نەشتەرگەری ژنان دڵ و پزیشکی باتنی، ئەمە هەنگاوێکی گرنگ بوو بۆ بەهێزکردنی کەرتی تەندروستی لە ناوچەیەکی بەرکەوتندا.

 

کام نەخۆش و بریندار دەتوانێت چارەسەر لە نەخۆشخانەی خابور بە بێبەرامبەر وەربگرێت؟

بوشرا ئەلجەدو ڕایگەیاند، نەخۆشخانەکە یارمەتی پزیشک و پەرستارەکانی دەدات بەگوێرەی ئابووری نەخۆشەکە و وتی: لە یەکەم مانگی کردنەوەی نەخۆشخانەکە بۆ نەشتەرگەری و هەموو بەشەکانی، ئێمە ٥٠%ی پارەکەمان لە نەخۆشەکان وەرگرت، بەشی فریاکەوتن بەخۆڕایی بوو، ئێستا بە پێی دۆخی خراپی ئابووری و بە پێی بارودۆخی ناوچەکە کە بە هێرشەکاندا تێدەپەڕێت یارمەتی دەدەین، پارە لە نەخۆشە هەژارەکان وەرناگرین، وەک کڕینی دەرمان و مانەوە لە نەخۆشخانە تا چاک دەبێتەوە، هەروەها خاڵێکی گرنگ هەیە بۆ ڕاکێشانی سەرنج و ئێمە هەوڵ دەدەین پێشوازی لە هەموو بریندارانی جەنگ و هێرشە سەربازی و مەدەنییەکان بکەین و بە بێبەرامبەر مامەڵەیان لەگەڵدا بکەین.

 

سەبارەت بەو ڕاستییەی کە نەخۆشخانەکە یارمەتی نەخۆشەکان دەدات، جەمیلە ئەلخەدیر، کە هاوژینەکەی نەخۆشی شێرپەنجەی هەیە، نزیکەی مانگێکە لە نەخۆشخانەیە و وتی: لەبەر ئەوەی هاوژینەکەم نەخۆشی شێرپەنجەی هەیە، پێویستی بە چاودێری هەیە بۆ ئەوەی هەموو کاتژمێرێک دەرمان و دەرزی پێبدرێت، بۆیە ناتوانرێت تەنها لە نەخۆشخانە چارەسەر بکرێت، لەبەر ئەوە دەبێت لە نەخۆشخانە بمێنێتەوە، پزیشکەکان ژوورێکیان بۆ ئێمە تەرخان کردووە و چاودێریمان دەکەن، بەگوێرەی نەخۆشخانەکانی دیکەی شارەکان، نەخۆشخانەی خابور زۆر باشە و بەڕاستی خزمەتی نەخۆشەکان دەکات.