ژونا ئەردەڵان

 

سنە- نەبوونی شیری وشک لە ئێران کێشەی زۆری بۆ ئەو خێزانانە دروست کردووە، کە منداڵی ساوایان هەیە و پێویستیان بە شیری وشک هەیە، بۆیە سەرەڕای بوونی بیمە لەو وڵاتەدا، ناچارن لە دەرمانخانەکان شیر بکڕن.

 

تۆماری درێژ لە ڕیزبەندی دەرمانخانەکاندا

زۆربەی دەرمانخانەکان کێشەیان هەیە لە تۆمارکردنی شیری وشک لە سایتەکەدا و دەڵێن هەر شیرێک هێندەی سێ ڕەچەتە کاتێکی دەوێت، ئەمەش کاریگەری لەسەر کارەکانیان دەبێت، هەر بۆیە زۆربەی دەرمانخانەکان ڕەتیدەکەنەوە شیری وشک بهێنن، هەرچەندە بە سەرپێچی هەژمار دەکرێت، هەڵویستی حکومەتیش لەم بوارەدا ڕوونە، چونکە تاکە شت لەسەریانە، چارەسەرکردنی سایتەکە و کارئاسانییە بۆ دەرمانخانەکان کە بیکەن، بەڵام پێدەچێت بە ئەنقەست لەم حاڵەتەدا هیچ نەکەن.

 

هاوکاری نەکردنی ئیدارەی خۆراک و دەرمان

ئەو خێرخوازانەی کە شیری وشک بۆ خێزانە هەژارەکان دابین دەکەن، ڕووبەڕووی ئاستەنگی دەبنەوە و ناچارن سەردانی سەرجەم دەرمانخانەکان بکەن بۆ ئەوەی بڕی دیاریکراوی شیرەکە بەدەستبهێنن و تەنها شەش یان حەوت دەرمانخانە هاوکاریان دەکەن، زۆرێک لە خێرخوازان ئاماژە بە ڕێکخراوی خۆراک و دەرمان دەکەن کە بەرپرسیارە لە چاودێریی دەرمان و تەنها وەڵامێکی ڕووکەش دەبیستن و بەگوێرەی ئەم خێرخوازییەش لەکاتی ئەو کۆبوونەوانەی لەگەڵ ئەم ڕێکخراوەدا هەیانبووە، داواکەیان نامەیەک بدەنە دەرمانخانەیەک لە کوێ دەتوانن شیری وشک بکڕن ڕەت کراوەتەوە، چونکە ئەم ڕێکخراوە بانگەشەی ئەوەی کردووە کە ئەم کارە نایاساییە، وە تاکە دەرەنجامی ئەم ڕێکخراوە ئەوەیە کە نەبوونی شیری وشک بەهۆی قاچاخی دەرمان و نەبوونی کەرەستەی هاوردەکراوەوەیە و هیچ بیرۆکەیەک پێشکەش ناکەن بۆ مامەڵەکردن لەگەڵ ئەم کێشەیە.

 

کەمتەرخەمی حکومەت و چارەسەرنەکردنی دۆخی شیری وشک

لێدوانی خێرخوازانی شیری وشک ئاماژە بەوە دەکەن، ئەوان بەتەنها و بەبێ هیچ پاڵپشتییەک لەلایەن حکومەتەوە ئاگاداری ئەو منداڵە ساوایانەن کە لە خێزانە کەمدەرامەتەکاندان و تواناییان بۆ بەخشین بە کۆرپەلەی زیاتر نییە، خێرخوازێکیش بە نوژنهای وت: هەستیاری کۆرپە بە شیریش بابەتێکی جیایە و جۆری شیرەکە بۆ هەر کۆرپەیەک جیاوازە و ناتوانرێت بگۆڕدرێت و ئەمەش کێشەیەکی دیکەیە، تەنها شتێک کە حکومەت لەم بارەوە کردوویەتی ئەوەیە لە ڕێگەی ڕێکخراوەکانی وەک ئاسوودەژیانی و لیژنەی یارمەتییەکان جۆرێک شیر و زەرف بە پاڵپشتیکراو بۆ خێزانە داپۆشراوەکان دابین دەکات، کە ناچارن بیدەن بە کۆرپەکانیان سەرەڕای کەمی ئاستی ئابووری خێزانەکان.

 

دایکی منداڵێکی تەمەن پێنج مانگ دەڵێت: کچەکەم بەهۆی کۆلیکەوە ناچارە شیری وشک بەکاربهێنێت، چونکە هەستیاری بە شیری خۆم هەیە، سەرەڕای بیمە دەبێت پارە بدەم و خۆم شیری وشک لە دەرمانخانەکان پەیدا بکەم، بەڵام زۆربەی دەرمانخانەکانیش شیری وشکیان نییە، منیش بە ناچاری شیری خۆمی دەدەمێ و شەو تا بەیانی بەهۆی هەستیارییەوە دەگری، ئەو دەرمانخانانەی شیری وشکیان هەیە، یاری بە نرخەکان دەکەن و بە پەڕەی نیشتمانی منداڵانی ساواش تەنها بۆمان هەیە یەک قوتو شیر وەربگرین بە ٦٧ بۆ ٧٢ هەزار تمەن و جۆرەکەشی بۆ منداڵەکانمان نابێت.