سیلڤا ئەل-ئیبراهیم

مەنبج- زۆرێک لە کارو پیشەکان بۆ ژنان قەدەغەیە، چونکە ڕۆڵی ژنان لە کۆمەڵگادا دیاریکراوە، زۆرێک لەو کارانەی کە ژنان دەیانەوێت ئەنجامی بدەن لە لایەن کۆمەڵگەوە ڕەتدەکرێتەوە، سەرەڕای کاردانەوە و ڕای کۆمەڵگا لە باکوری ڕۆژهەڵاتی سوریا، ژنان هەموو ڕۆژێک لە کاروباری دەرەوەدا جێگەی خۆیان دەگرن و بەشداری لە ژیانی کارکردندا دەکەن، شارەوانیی خەڵکی مەنبج لە تشرینی یەکەمی ٢٠١٦ پاش چەند مانگێک لە ئازادکردنی شاری مەنبج دامەزرا لەگەڵ دەستپێکردنی کارەکەدا بەڕێوەبەرایەتی پۆلیسی شارەوانی کاراکرا و هەموو ئەندامەکانی پیاو بوون، بۆیە خەدیر ئەل ئیبراهیم لەلایەن دەوروبەرییەوە ڕەخنەی لێ گیرا.

 

"ژنان کاتێک خاوەن باوەڕبن دەتوانن لە هەموو کارێکدا سەربکەون"

خەدیر ئەل-ئیبراهیم سەبارەت بە سەرەتای کارکردنی قسەی کردو دەڵێت: "من ڕووبەڕووی ڕەتکردنەوەی دەوروبەری خۆم بوومەوە بەڵام سوور بووم لەسەر بەردەوام بوون، کاتێک ژنان دڵنیان کە دەتوانن لە هەر بوارێکدا کار بکەن، سروشتی کاری شارەوانی تۆمارکردنی پێشێلکارییە بەپێی سکاڵاکان ئەگەر نا، زۆر وشە دەوترێت و ڕەزامەندی خەڵک زۆر قورس دەبێت، چونکە ئەوان لە جەوهەردا قبوڵی ناکەن، ئێمە ئەوەشی زیاد دەکەین کە ژنان گفتوگۆیان لەگەڵ دەکەن و ڕەتکردنەوەش خراپتر دەبێت کۆمەڵگا ڕەتی دەکاتەوە کە باس لە ژن بکات لەگەڵ بێگانەکان".

 

"هەوڵدەدەین ژمارەی ئەفسەرانی ژنان زیاد بکەین"

ئەوەی کاری ئەندامانی پۆلیسی شارەوانی جیادەکاتەوە ئەوەیە کە بە ئاسودەیی مامەڵە لەگەڵ ئەو ژنانەدا دەکەن کە سکاڵایان لەسەر کراوە، وتیشی: "ئێمە وەک ئەندامانی پۆلیس بە قورسی مامەڵە لەگەڵ ژنان دەکەین لەهەرکوێ سەرپێچییەک لەلایەن ژنانەوە بدۆزرێتەوە، هەرچی ئاگادارکردنەوە بێت، چ گلەیی و گازندەیەک بەرامبەریان کراوە، دەچین و گفتوگۆیان لەگەڵ دەکەین، ژمارەی ژنەئەندامانی هێزەکانی پۆلیسی شارەوانی هێشتا کەمە بۆیە شارەوانی هەوڵدەدات ژمارەیەکی زۆر لەوان ڕابکێشێت، لە داهاتوودا هەوڵدەدەین ئامادەبوونی ژنان لە هێزەکانی پۆلیسدا زیاد بکەین و نووسینگەیەکی تایبەت بە پێکهاتەی ژنان بکەینەوە و ئەمەش یەکێکە لە پلانەکانی داهاتوومان کە کاری لەسەر دەکەین".

 

"دوای ئەوەی ژنان بوون بە ئەفسەر، ئەو کێشانەی کە لە پەیوەندیەکەدا دروست بوون کەمکرانەوە"

دیجلە شێخان، ئەندامی شارەوانییەکە، وتی: "کاتێک شارەوانی ژنان کرایەوە، ڕەگەزی بەرامبەر لە گفتوگۆی گشتی لەگەڵ ژناندا تووشی گرفت بوون، بەتایبەتی بەهۆی پێویستیمان بۆ بەشداریکردن  دوای ئەوەی ژنان لەم بوارەدا کاریان کرد ئەو کێشانەی کە لە پەیوەندی لەگەڵ ژناندا دروست بوون کەم بووەتەوە و کارەکە بەرەو پێش چوو و دوای ئەوەی پەیوەندیمان کرد گفتوگۆمان لەگەڵ ژنان کرد سەبارەت بە پێشێلکاری و ئاگادارکردنەوە".