ڕێکخراوی مافەکانی مرۆڤی کوردستان بڵاوی کردەوە، زەینەب جەلالیان ماوەی زیاتر لە ١٠٠ ڕۆژە مافی چاوپێکەوتن و خزمەتگوزارییەکانی پزیشکی بێبەشکراوە، بەهۆی ئەشکەنجەی توندی جەستەیی و دەروونی تووشی کێشەی تەندروستی بووە.

 

لە هەواڵەکەدا هاتووە: زەینەب جەلالیان ماوەی زیاتر لە ١٠٠ ڕۆژە لە مافی چاوپێکەوتن لەگەڵ بنەماڵەکەی و خزمەتگووزارییە پزیشکەکان بێبەش کراوە، بەهۆی ئەشکەنجەی توندی جەستەیی و دەروونی تووشی کێشەی بینین و هەرس و گورچیلە بووە.

 

جێگای ئاماژەیە، زەینەب جەلالیان لە ساڵی ٢٠٠٦ دەستگیر کراوە و لە ساڵی ٢٠٠٨ بە تۆمەتی “ئەندامێتی لە گرووپەکانی دژە ڕژێم”، سزای لەسێدارەدانی بەسەردا سەپێندرا و سزای لەسێدارەدانی زەینەب جەلالیان لەلایەن دادگای پێداچوونەوە و دادگای باڵای ئێران پشتڕاستکرایەوە، بەڵام بە کەمکردنەوەی سزاکە گۆڕدرا بۆ زیندانی هەتاهەتایی.