ڕۆشێل جونیور

 

سوەیدا- ئایا هاوڵاتیانی سوەیدا دەتوانن متمانە بەو دەروازەیە بکەن کە دەچێتە دیمەشقی پایتەختی سووریا، بەتایبەتی کە بە چاودێری جیهادییەکانی هەتەشە بەڕێوە دەبرێت و دوای ئەو هەموو کۆمەڵکوژی و پێشێلکارییانەی بەدەستیانەوە چەشتوە؟ کە ئەمەش پرسیارێکی گرنگی ئەمڕۆیە، پاش ئەوەی وەزارەتی ناوخۆی حکومەتی کاتی سووریا لە ٢٧ ی ئابدا کردنەوەی ڕێگاکەی ڕاگەیاند.

 

سەرەڕای لێدوانە فەرمییەکان کە بانگەشەی "گەڕانەوە بۆ ژیانی ئاسای" دەکەن، شەقامەکانی سوەیدا هێشتا پڕە بە ڕەتکردنەوە و دڵەڕاوکێ، کەسانیکی زۆر پێیان وایە ڕێگاکە پڕ لە مەترسی ماوەتەوە، هەروەها ئەو دەسەڵاتدارانەی کە پاراستنیان پێ سپێردراوە، هەمان ئەو دەسەڵاتانەن کە هاوڵاتیانی سوەیدا متمانەیان پێ نەماوە.

 

ڕێگای نێوان سوەیدا و دیمەشق تەنها ڕێگای گواستنەوە نییە، هێڵی ژیانە بۆ هەزاران خوێندکار و نەخۆش و بازرگان، بەڵام دژایەتیەکی گەورە لە نێوان لێدوانەکانی حکومەت و ڕاستیی ئەمڕۆدا هەیە.

 

لە کاتێکدا، حکومەتی کاتی دووپاتی دەکاتەوە، کە ڕێگاکە "سەلامەتە و لە ژێر پارێزگادایە"، دانیشتوان پێیان وایە کە جێگیرکردنی ئاسایشی خۆی سەرچاوەی "مەترسییە نەک سەلامەتی" و کردنەوەی ڕێگاکە بەم شێوەیە تەنها کارێکی ڕاگەیاندنتە بۆ باشترکردنی وێنەی حکومەت لە دەرەوەی وڵات.

 

"هەوڵێک بۆ باشترکردنی وێنەی حکومەتی کاتی"

هویام نەمر لە گوندی نەجران لە باکووری ڕۆژئاوای سوەیدا، وتی: هەڵیانکوتایە سەر ماڵەکانمان و هیچ شەرمەزارییەکیان بە بێ چارەسەر بەجێ نەهێشت و دەستیان بەسەر چەکەکانمان دا گرت و موڵکەکانمانیان تاڵان کرد و کێڵگەکانمانیان سوتاند و ڕفاندنیان کرد و دوای ئەوەی ئازادیان کردین، ئەو کەسانە لە کێڵگەدا لەگەڵمان کاریان دەکرد، پاشان لە دژی ئێمە هەڵگەڕانەوە، چۆن دەتوانین متمانەیان پێبکەین دوای هەموو ئەو کارانەی کردویانە؟

 

بە تاڵییەوە جەخت لەوە دەکاتەوە، کە کردنەوەی ڕێگاکە تەنها هەوڵێکە بۆ پۆلێشکردنی وێنەی حکومەتی کاتی لە چاوی جیهاندا، لە کاتێکدا ڕاستیەکە ئەوەیە کە پێشێلکارییەکان بەردەوامن، هەر ڕۆژی دواتر دوای ڕاگەیاندنی کردنەوەی ڕێگاکە، سێ کەس ڕفێندران.

 

"ئێمە هیچ متمانەیەکمان پێیان نییە"

جۆری عریجە، ژنێکی دیکەی شاخە، وتی: ئێمە دژی بیرۆکەی کردنەوەی ڕێگاکەین بەم شێوەیە، وتی: لە یەکەم ڕۆژەوە کە چوونەتە ناو سوەیدا، هاوڵاتی مەدەنی دەکوژن، بۆیە ئێمە بە هیچ شێوەیەک متمانەمان پێیان نییە، هەروەها ترسمان هەیە خواردنی ژەهراویمان پێبدەن، یان لە چاوەڕوانی پیاوەکانماندا بن تا بیانکوژن، ئەو ڕەتکردنەوەی یەکجارەکی خۆی لەم ڕێگایە دووپاتکردەوە.

 

داوای کرد کە دەروازەیەکی نێودەوڵەتی دیکەی بەڕاستی پارێزراو بکرێت، ئێمە پێمان باشە پشت بە خۆمان ببەستین، تەنانەت ئەگەر گوڵ لەسەر ڕێگاش بچێنن، ئەوە ڕاستیەکە ناگۆڕێت.

 

"ئێمە ڕێگایەکمان ناوێت کە برینەکانمان داپۆشێت، ئێمەشکۆ و ئاسایشمان دەوێت"

نەوال عەتا، ڕەتکردنەوەی خۆی بە توندی لە کردنەوەی ڕێگای دیمەشق – سوەیدا دەربڕی و پێی وایە ئەم هەنگاوە خزمەت بە بەرژەوەندییەکانی هاوڵاتیان ناکات، بەڵکو لە چوارچێوەی جوانکردنی ڕاگەیاندندا دێت بەبێ ئەوەی قسەی ناوەوەی دۆخی ئاسایشی و مرۆیی بکات.

 

ئاماژەی بەوەشکرد، ئەگەر بەڕاستی گرنگییان بە بەرژەوەندییەکانمان بدایە، ئەوا هێرشیان نەدەکردە سەر ماڵەکانمان، منداڵەکانمانیان زەلیلیان نەدەکرد، بەساڵاچووەکانمانیان نەدەکوشت، پیاوەکانمانیان بە ڕیش تاشینیان ڕیسوا نەدەکرد، ژنەکانمانیان نەدەڕفاند و موڵک و ماڵی ئێمەیان نەدەدزی، چ ئایینێک یان یاسایەک ئەمە ڕەوا دەکات؟

 

ئاماژەی بە نەبوونی متمانە بە حکومەتی کاتی سووریا کرد و جەختی لەوە کردەوە، کە ڕفاندنەکان بەردەوامن، هەر دوای ڕاگەیاندنی کردنەوەی ڕێگاکە سێ گەنج ڕفێندران، وتی: چۆن ڕێگایەک بکرێتەوە لەکاتێکدا ژنەکانمان هێشتا ڕفێنراون؟ چۆن متمانەمان بە دەوڵەتێک هەبێت کە ئێمەی نەپاراستوە، بەڵکو بەشداری لە زەلیلکردنماندا کردوە؟ ئێمە ڕێگایەکمان ناوێت بەسەر برینەکانماندا بکرێتەوە، ئێمە سەلامەتی و شکۆمان دەوێت، خواردن و خواردنەوە هێندەی شکۆ بۆ ئێمە گرنگ نین.

 

هەروەها جەختی لەوەکردەوە، کە داواکاری ڕاستەقینەی دانیشتووان، کردنەوەی ڕێڕەوێکی مرۆییە لە سوەیدا بۆ کەرمل، بە لەبەرچاوگرتنی لەدەستدانی متمانەی تەواو بە جیهادییەکانی هەتەشە، ئێمە ڕێگایەکمان دەوێت کە ڕێز لە مرۆڤایەتیمان بگرێت، نەک ڕێگایەک کە بەکاردێت بۆ وێناکردنی وەک دایک و خوشک، دواتر کامێراکە دەکوژێنرێتەوە و پێمان دەوترێت 'ئێوە بەرازن'.

 

نەوال عەتا لە کۆتایی قسەکانیدا، جەختی لەوەکردەوە، کە دووبارەبوونەوەی پراکتیزەکردنی جیهادییەکانی هەتەشە نوێنەرایەتی حکومەتی کاتی دەکات، کە دژایەتی قسەی ڕاگەیاندنی ئەوان لەگەڵ پراکتیزە ڕاستەقینەکان دەکات، هەموو هیوایەکی بۆ دروستکردنی متمانە بە تەواوی لەناوبردوە، هەروەها دوای هەموو ئەو شتانەی ڕوویانداوە، ئیتر متمانەمان بەم حکومەتە نەماوە.