سۆرگول  شێخۆ

 

تل تەمر – ڕۆژی ٥ی حوزەیران، کۆڕبەندی ئەوروپی بۆ ئازادی و ئاشتی "EFFP" هەڵمەتی “دەمەوێت چاوپێکەوتن لەگەڵ عەبدوڵا ئۆجالان”ی دەستپێکرد. ئەم هەڵمەتە کە تا ئەمڕۆش بەردەوامە، لە کوردستان و زۆرێک لە وڵاتانی جیهان دەنگ دەداتەوە.

 

ژنانی شاری تل تەمر لە کانتۆنی جزیرە لە ناوچەی باکوور و ڕۆژهەڵاتی سووریا، بۆچوونی خۆیان لەسەر ئەم بابەتە باس کرد.

 

"خۆزگە دەرفەتێک هەبوایە و پشتیوانی ژنانی عەرەب و ئاشووری ببینین"

کرێکارێکی هەرەوەزی سەبەتەی نان بە ناوی فاتمە عەبدوڵا محەمەد هەڵسەنگاندنی بۆ هەڵمەتی “دەمەوێت چاوپێکەوتن لەگەڵ عەبدوڵا ئۆجالان" کردو وتی: خۆزگە دەرفەتێکم هەبوایە ڕێبەر ئاپۆ ببینم، زۆر سوپاسگوزارم بۆی، چونکە گەیشتوینەتە ئاستێک کە هەرگیز خەونمان پێیەوە نەبینیوە، ڕێبەر ئاپۆ زۆر پاڵپشتی ژنان بووە، بەتایبەتی ژنانی عەرەب و ئاشووری، هیوادارم هاوکار بێت بۆ ژنان لە هەموو جیهاندا. شتێکی سەرەکی کە ئێمە دەمانەوێت ئەوەیە کە ڕێبەر ئاپۆ لە ڕووی جەستەییەوە ئازاد بێت.

 

دەیەوێت چی بە ئۆجالان بڵێت؟

فاتمە محەمەد وتی: کاتێک ئۆجالان دەبینم هیچ قسەیەکم نابێت، تەنها ئەوەی داوای لێدەکردم ئەوەیە کە زیاتر ژنانی عەرەب بەرەو ئاستە بەرزەکان و ئەمنیەتییەکان ببات، لە خەباتی خۆی بەجێمان نەهێڵێت و ئێمە ڕادەستی حزبێکی دیکە نەکات. ئێمە ئێستا فێری ئازادی بووین، چونکە زۆرێک لە ئێمە هیچمان نەدەزانی و بەتایبەتی ژنان دڵشکاو بووین. ئێستا دۆخەکە جیاوازە، ژنان شارەزا بوون و دەستیان بە خەباتێکی فرەلایەنە کردووە، نزیکترین نموونە منم، لە ئێستادا لە هەرەوەزی ئابووریی سەربەخۆدا کاردەکەم، کە لە سەردەمی پێشووماندا هەرگیز ڕووی نەدەدا، ئەوەی زۆرترین سەرنجی ڕاکێشام ئەوەیە کە ڕێبەر ئاپۆ دەرکردنی کرێکارانی لە کارگەکانی نیویۆرک قبوڵ نەکرد، بۆیە ئێستا ژنانیش وەک پیاوان سەربەخۆن.

 

بەڵێنێکی تاهەتایی لە ژنێکی عەرەبەوە: لەگەڵ ئۆجەلان دەبین

فاتمە محەمەد وتی: بۆ هەتا هەتایە لەگەڵ ڕێبەر ئاپۆ بەردەوام دەبین لە خەبات و تێکۆشان و لە کۆتایی قسەکانیدا وتی: لەگەڵ عەبدوڵا ئۆجالان بەردەوام دەبین لە خەبات و تا دوا دڵۆپی خوێنمان لەگەڵیدا دەبین، هیوادارم تا کۆتایی یەکگرتوویی بمێنینەوە، هەروەک چۆن ئێستا پێکەوە ئەم ڕێگایە دەبڕین.

 

"باسی دیموکراسی دەکەن و ئەو سەرکردەیەی کە خەبات بۆ دیموکراسی دەکات لە زیندانی دەهێڵنەوە"

هەدلا عەبدولوەهاب، هاوژینی تێکۆشەری کوردستان سەرحەد، پرسیاری ئەوەی کرد، “رێبەرێک کە لە پێناو ئازادیی گەلان و یەکسانی ڕەگەزی و پاراستنی مرۆڤایەتی تێدەکۆشێت، چۆن دەکرێت بۆ ماوەی ٢٦ ساڵ لە زینداندا بمێنێتەوە؟” وتی: دیموکراسی تورکیا و دەوڵەتەکان لە کوێیە، لە کاتێکدا ڕێبەر ئۆجالانیان لە زیندانێکدا لە ناوەڕاستی دەریادا هێشتووەتەوە؟ ئێمە چیتر نامانەوێت ڕێبەرەکەمان لە زیندان ببینین، یان نامەی وەربگرین یان پارێزەرێک لەگەڵیدا کۆببێتەوە. هەموو ئەمانە چیتر جێگەی ڕەزامەندی نین، پێویستە ڕێبەرەکەمان لە ناو خۆماندا ئازاد ببینین.

 

"ژنانی ڕۆژئاوا ئاشتییەکی بەردەوامیان دەوێت"

هەدلا عەبدولوەهاب بێهەڵوێستی دەوڵەتی تورکی بەرامبەر بە پڕۆسەی بانگەوازی ئاشتی و کۆمەڵگەی دیموکراتیک بەبیرهێنایەوە و ناڕەزایی خۆی بەم قسانە دەربڕی: دەوڵەتی تورک بەردەوامە لە هێرشەکانی دژی گەل و گەریلاکان دژی پڕۆسەی ئاشتی، لە هەمانکاتدا هێرشەکانی خۆی بۆ سەر ژینگەی کوردستان ڕانەگرتووە، ئاو کە یەکێکە لە سەرچاوەکانی ژیان، بە ملیۆنان ئاو پچڕاوە، شارەکانمان هێشتا لە ژێر داگیرکاریدان، هەرچەندە دەوڵەتی تورکیا لە شوێنی خۆیدا ماوەتەوە، و ئەگەر ئاشتی هەبێت، ئێمەش ئامادەین، دیسانەوە داواکاری تورکیا بۆ یەک ئاڵا و یەک زمان قبوڵ ناکرێت.

 

"با دەوڵەتی تورکیا لە شارە کوردییەکان بکشێتەوە"

هەدلا عەبدولوەهاب جەختی لەو هەنگاوانە کردەوە کە دەبێت تورکیا بیگرێتەبەر و وتی: پێویستە داگیرکەری تورکیا چەتەکانی بکشێنێتەوە، شارە داگیرکراوەکانمان، عەفرین، گرێ سپی و سەرێکانی و هەموو شارەکانی دیکە چۆڵ بکات، ئەگەر ئەمە ڕوونەدا، جارێکی دیکە دەچینە سەر شەقام و داواکارییەکانمان نوێ دەکەینەوە، پێویستە زیندانییە سیاسییەکانی باکوری کوردستانیش ئازاد بکرێن، هەر بۆیەش دەڵێین ئەمڕۆ، سبەی و تا کۆتایی ژیانمان، ئێمە و منداڵەکانمان تەرخانکراوین بۆ ڕێبەر ئاپۆ.

 

" لە سایەی کارەکەی، ئێمە بە کوردی دەژین و کولتووری خۆمان دەپارێزین"

نێرگز شێخۆ ئاماژەی بەوەکرد، هەمان ئەو بەشەی هەڵبژاردووە کە ڕێبەر عەبدوڵا ئۆجەلان خوێندوویەتی و دەیخوێنێت، کە زانستی سیاسییە. وتی:ئەمڕۆ مافی خۆمانە وەک منداڵی شۆڕش ڕێبەرەکەمان ببینین و ئەوانەی لەگەڵ شۆڕشدا گەورە بوون و ڕۆڵیان تێدا بینیوە، پێویستە لەگەڵ ڕێبەر ئاپۆ کۆببینەوە، سوپاس و پێزانینی خۆم ئاراستەی دەکەم، چونکە ئەمڕۆ لە سایەی کارەکەی، ئێمە بە کوردی دەژین و کولتووری خۆمان دەپارێزین.

 

نێرگز داوای لە خوێندکارە ژنە گەنجەکان و گەنجان بە گشتی کرد کە خۆیان ڕێکبخەن و وتی: وریای ئەو هێرشانە بن کە دەیانەوێت وەک گەنج بەکاریان بهێنن لە کردەوەی خراپدا، پێویستە لە بەرامبەر توندوتیژی خۆمان بپارێزین و بێدەنگ نەبین، خەبات بۆ مافەکانمان بکەین.