لە کەرکوک ژنێکی گەنج لە دەستی باوکی ڕزگار کرا
لە شارى کەرکوک، ژنێکی گەنج کە لەلایەن باوکییەوە کەلەپچە کرابووە دەست و قاچى، ڕزگار کرا.
ناوەندی هەواڵ
لە لێدوانی پۆلیسی کەرکوک بۆ ڕاگەیەندنەکان ئاماژە بەوەکراوە، ماوەى یەک مانگ دەبێت باوکێک کچەکەى خۆى لە ماڵەوە زیندانى کردووە و هاوکات کەلەپچەشى کردووەتە دەست و قاچى کچەکەى.
دواى ئەوەى زانیارى و بەدواداچونیان کراوە، هێزەکانی پۆلیس چوونەتە سەر ماڵى ئەو پیاوەو ژنە گەنجەکەیان ڕزگار کردووە و باوکەکەش دەستگیر کراوە.
ئەوەش ڕاگەیەندراوە، تەواوى رێکارى یاسایی لەبەرامبەر باوکى کچەکە گیراوەتەبەر و ڕەوانەى دادگا کراوە.