ناوەندی هەواڵ

 

لە ناوچەی گۆفا لە ئەسیوپیا لافاو دروستبوو و خەڵکێکی زۆر لە ژێر زەویدا گیریان خوارد، دوای لافاوەکەی دووەم، ئەو کەسانەی کە بەشدارییان لە ئۆپەراسیۆنەکانی ڕزگارکردندا کرد، لە ژێر زەویدا گیریان خواردووە.

 

هەروەها بەرپرسێکی ناوچەی گۆفا لە باشووری ئەسیوپیا ڕایگەیاند کە لانیکەم ٥٠ کەس گیانیان لەدەستداوە، مارکۆس مێلێس، سەرۆکی دەزگای نیشتمانیی بەڕێوەبردنی کارەساتەکان ڕایگەیاند، ئۆپەراسیۆنەکانی گەڕان و فریاگوزاری بەردەوامن، تا ئێستا ١٥٧ کەس گیانیان لەدەستداوە بەڵام پێشبینی دەکرێت ژمارەی ئەو کەسانەی گیانیان لەدەستداوە زیاتر بێت.

 

ژن و منداڵ لە ژێر خانووە ڕووخاوەکاندا گیریان خواردبوو

لە ناوچەیەکی شاخاویی ناوچەی گۆفا، کە بارانێکی بەخوڕ ڕوویدا و بەهۆیەوە لافاو دروست بوو، لەو وێنانەی کە لە شوێنی ڕووداوەکەوە بڵاوکراونەتەوە، دەردەکەون کە خەڵک لەو ناوچەیەی کارەساتەکەی تێدا ڕوویداوە کۆبوونەتەوە و هەوڵی ڕزگارکردنی ئەو کەسانە دەدەن کە لەژێر زەویدا ماونەتەوە، بەڕێوەبەری گشتی گۆفا ئەو زانیاریانەی بڵاوکردەوە و ڕایگەیاند کە ژنان، منداڵ و پۆلیس لە لافاوەکەوە گیانیان لەدەستداوە.

 

گۆفا ناوچەیەکی باشووری پارێزگای ئەسیوپیایە و نزیکەی ٣٢٠ کیلۆمەتر لە ئەدیس ئەبابای پایتەختەوە دوورە، باشووری ئەسیوپیا یەکێکە لەو ناوچانەی لە چەند مانگی ڕابردوودا بەهۆی بارانبارینی بەخوڕ و لافاو زۆرترین زیانی بەرکەوتووە.