ئەو منداڵەی لە هێرشی دەوڵەتی تورکدا بریندار بوو گیانی لەدەستدا
ڕوسلین محەمەد خەلەف تەمەن ١٣ ساڵ کە لە ئەنجامی هێرشەکانی دەوڵەتی تورک بۆ سەر گوندی هەلیسا سەر بە فافینی شەهبا بریندار بوو، گیانی لەدەست دا.
شەهبا
ڕۆژی ٢٤ی تشرینی دووەم، دەوڵەتی تورک و چەتەکانی هێرشیان کردە سەر گوندی هەلیسا لە فافینی شەهبا و ماڵی خەڵکی مەدەنییان کردە ئامانج.
لەئەنجامی ئەم هێرشانەدا، ٣ منداڵ بەناوەکانی حەسەن محەمەد حەسەن خەلەف تەمەن ٩ ساڵ و محەمەد حاج محەمەد تەمەن ١٤ ساڵ و ڕوسلین محەمەد خەلەف تەمەن ١٣ساڵ بریندار بوون، هاوڵاتییەکی تەمەن ٤٠ ساڵ بە ناوی محەمەد عارف حاجی کە کۆچبەرێکی خەڵکی عەفرین بوو گیانی لەدەستدا.
برینی ڕوسلین و محەمەد سەخت بوون و بۆ چارەسەری پزیشکی گواستراونەتەوە نەخۆشخانەی شاری حەلەب،ئەوەش زاندرا کە ڕوسلین محەمەد خڵەف ئەمڕۆ لە نەخۆشخانەی شاری حەلەب بەهۆی سەختی برینەکەیەوە گیانی لەدەستدا.