مەدینە مەمەدئۆغلۆ

چەولیک- لە ٢٤ی ئابدا ٦ کەس، کە سێ ژنیان تێدایە، لە هەڵکوتانی ماڵان لە چەولیک دەستبەسەرکران پێنج لەو خێزانانەی کە لێیان درابوون و سوکایەتیان پێکراوە و دەستبەسەرکراون، لەلایەن دادگاوە بەتۆمەتی "ئەندامبوون لەڕێکخراوێکی تیرۆریستی" دەستگیرکراون، قاچی ژنێک لە کاتی هەڵکوتانی ماڵدا شکاوە، ئەندامانی تری خێزان لەلایەن تیمە تایبەتەکانی پۆلیسەوە هەڕەشەی کوشتنیان لێکراوە و دەڵێن "بڕیارە ئێمە بتوانین لێتان بدەین و بتانکوژین".

 

هەموو کەس لەماڵەوە لێیان درا

هاتون گوردگیر، تەمەنی ٧٠ ساڵە ئاماژەی بەوەکرد، ئەو ڕۆژەی کوڕەکەی لە شاری ئیستەنبوڵ دەستبەسەر کراوە، ئەفسەرانی پۆلیس کە هاتونەتە ماڵەکەیان، بە نەزاهەکەیەوە، لە هەموو پیاوەکانی ناو ماڵەکەیان داوە،  هاتون گوردگیر وتی: "لە کاتژمێرە سەرەتاییەکانی بەیانیدا هەڵیانکوتایە سەر ماڵەکەمان و لە هەموو شوێنێک گەڕابوون ئێمە نەماندەزانی بۆچی هاتوون، دواتر زانیمان کە کوڕەکەم، کە بووەتە گەریلا، لە ئیستەنبوڵ دەستبەسەرکراوە کاتێک هەڵیانکوتایە سەر ماڵەکە، تووڕە بوون، ئەوان نەیانهێشت ژنان لە ناوەوە دەربچن هەروەها لە دەرەوەش گورزیان لە پیاوان دا لەو ڕۆژەدا هیچمان نەبینی و هەموو منداڵەکانمیان لە ماڵەوە دەستگیر کرد" .

 

هەڕەشەی کوشتنیان کرد

هاتون گوردگیر ڕایگەیاند، کە جگە لە منداڵەکانی ئۆزج، شازادە، مێهمەتی و ئێرتان، کوڕ و بوکەکەشی دەستبەسەرکراون و لە کاتی هێرشەکەدا قاچی بووکەکە شکێندرا وتیان: "ئێمەبڕیارمان هەیە لێدان و کوشتنمان هەبێت، دەیکەین"، وتم: "بیکە، من لە تۆ ناترسم، ئێوە دەوڵەت نین، ئێوە چەتەن، ئێوە چ حەقێک دەکەن؟! "ئەوان ئەو ڕۆژە هیچ کەسیان لە ماڵەکەم نەهێشتەوە، هەموو کەس دەستبەسەر کرا. ئەوان پیاوەکانیان بە لێدان دەستبەسەر کرد".

 

"من لێیان ناترسم"  

هاتون گوردگیر ڕایگەیاند، کە هەرگیز پەنا ناباتە بەر ئەو زوڵم و ستەمەی کە بەرامبەر بە ئەو و منداڵەکانی کراوە و وتی: "ژیانم لە کوڕەکەی من بەنرختر نییە ئەوان دەتوانن هەرچییەکیان دەوێت لەگەڵمان بکەن بەڵام من لێیان ناترسم، ئەوان نەیانهێشت ئێمە لە دادگادا بین وتیان: ئەم خێزانە مەبەنە ناوەوە، بەڵام هەرچی دەکەن ئێمە لێیان ناترسین ئێمە هیچ جیاوازییەکمان لەگەڵ ئەوانی تر نیە، دەمووچاوی کوڕەکەم کراوەیە و سەری بەرزە، کەواتە ڕێبازی ڕاست و دروستە".