سکاڵای یاسایی لەسەر پرۆژەی هەڵکەندنی کانێک لە تورکیا تۆماردەکرێت
جێبەجێکردنی پڕۆژەی کانێکی کانزایی لە هەرێمێکی تورکیا دەبێتە هۆی وشکبوونی سەرچاوە ئاویییەکانی گوند و زەوییە کشتوکاڵییەکان، پلاتفۆرمی ئیکۆلۆجی کازداغلەر لەسەر پرۆژەی کانەکەی کۆمپانیای چەنگیز داوای یاسایی تۆمار دەکات.
ناوەندی هەواڵ
پلاتفۆرمی ئیکۆلۆجی کازداغلار ڕایگەیاند کە ئەوان داوای یاسایی لەسەر پرۆژەی مسی ئاڵتونی تۆماردەکەن، ئەندامانی پلاتفۆڕمەکە ئاماژەیان بەوە کرد کە ڕۆژی ٣ شەممە، کاتژمێر ٢:٠٠ لە بەردەم دادگای کاناکڵ دەبن.
سەرەڕای هەموو ناڕەزاییەکان، وەزارەتی ژینگە و شارنشینی تورکیا ڕاپۆرتی هەڵسەنگاندنی کاریگەری ژینگەیی (EIA) بۆ پرۆژەکە پەسەند کرد، کە کاریگەری لەسەر دەیان گوندی ناوچەی خانەکەلێ بەیرامیچ-چان دەبێت.
"دارستان و زەوییە کشتوکاڵییەکان لەناودەچن"
ئەندامانی پلاتفۆرمەکە هۆشدارییاندا ئەگەر پرۆژەکە جێبەجێ بکرێت، سەرچاوەکانی ئاوی گوندەکانی هەرێمەکە وشک دەبن و زەوییە کشتوکاڵییەکان ون دەبن، ٥٤٠ هێکتار دارستان و ٤٣ هێکتار زەوی کشتوکاڵی ون دەبن.
پلاتفۆڕمەکە ئاماژەیان بەوەشدا وە کە هەموو هەوڵێک دەدەن تا کۆمپانیای جەنگیز ڕابگرن، کە هەوا و ئاو و خاک لە سەرانسەری وڵات لەناودەبات بەتایبەت لە ناوچەکانی ئارتڤین، دێرەتیپی، ئیکیزدەرە.
ت.پ