شارەزایانی نەتەوە یەکگرتووەکان هۆشداری دەدەن لە تاوانەکانی جەنگ لە غەززە
دوای پێنج مانگ لە ڕووداوەکە، شارەزایانی نەتەوە یەکگرتووەکان ڕایانگەیاند،کوشتنی منداڵی هیند ڕەجەب کە بانگەوازەکانی هەموو جیهانی بەرزکردەوە، دەتوانێت تاوانی جەنگی پێکبهێنێت.
ناوەندی هەواڵ
شارەزایانی نەتەوە یەکگرتووەکان دوێنێ هەینی ١٩ی تەمووز لە بەیاننامەیەکدا پشتڕاستیان کردەوە کە کوژرانی منداڵی فەلەستینی هیند ڕەجەب لە کەرتی غەززە کە داوای یارمەتییەکانی هاوسۆزی جیهانی وروژاند، دەتوانێت تاوانی جەنگ پێکبهێنێت.
شارەزایانی نەتەوە یەکگرتووەکان ئاماژەیان بەوە کردووە، پشتڕاستکردنەوەی هێزەکانی ئیسرائیل کە هیچیان لە نزیک شوێنەکە نەبوون، جێگەی قبوڵکردن نییە، ئاماژەشیان بەوە کردووە، نەبوونی لێکۆڵینەوە لە ڕووداوەکە و دەستنیشاننەکردنی ئەو بەرپرسانە دوای پێنج مانگ لە ڕووداوەکە، لە ڕادەبەدەر نائارامکەرە، خۆی لە خۆیدا پێشێلکردنی مافی ژیانە.
شارەزایان باسیان لەوە کردووە کە دوو فریاگوزاری مانگی سووری فەلەستینی لە هەمان ڕووداودا کوژراون و تۆمارە دەنگییەکانی پەیوەندییەکانی نێوان هیند ڕەجەب و خزمەتگوزارییە فریاگوزاریەکان ئاماژە بەوە دەکەن کە ئەو تاکە کەسە لە ئۆتۆمبێلەکەدا ڕزگاری بووە پێش ئەوەی ئەویش بکوژرێت.
مانگی شوبات، تەرمی منداڵێکی کچی تەمەن ٦ ساڵان بەناوی هیند ڕەجەب دۆزرایەوە، دوای ئەوەی کاتێک پەیوەندی لەگەڵ مانگی سووری فەلەستین کردبوو، بێسەروشوێن بوو.