سانیا مورادی 

سنە-  شانۆنامەی "نهێنی تەنیای من تۆ بوویت" چیرۆکێکی ڕاستەقینە دەگێڕێتەوە کە ئیلهامی لە ژیانی چوار نەوەی ژنانی شاری سنە لە ڕۆژهەڵاتی کوردستان وەرگرتوە، ڕووبەڕووی نادادپەروەری ڕژێم و یاساکانی پیاوسالار بوونەتەوە، لە بەرامبەر ستەم و سەختیدا خۆڕاگر بوون، بە سەختی خەباتیان کرد و شکۆیان وەک ڕێگای ژیانیان هەڵبژارد.

 

شانۆنامەکە لە "نهێنی تەنیای من تۆ بوویت"، ئازایەتی ئەو ژنانە ئاشکرا دەکات کە ڕەتیدەکەنەوە زەلیلی قبوڵ بکەن و ملکەچی هەر یاسایەک بن کە ئازادیان لێ زەوت بکات، ئازادی بە دەمارەکانیاندا دەڕوات و شکۆ لە ڕۆحیاندا نیشتەجێیە، مردن نایانترسێنێت، بەڵکو ژیانێک ڕەتدەکەنەوە کە لە کۆیلایەتی دەچێت، کە واتای خەباتێکی زیندو و نەکوژاوە بەرجەستە دەکات.

 

"ژن لە بارگرانی نەریت و کۆمەڵگە"

لەم شانۆگەریەدا ژنان لە چوار نەوەوە بەدەست نادادپەروەری کۆمەڵگە و نەریتە سەختە پیاوسالارییەکانیەوە دەناڵێنن، بەهۆی نەزۆکی و لەدەستدانی هاوژینەوە خۆیان دەبیننەوە توشی ستەم و زەلیل بوون سەرەڕای تێپەڕبوونی کات، ئازارەکە نامێنێت، ئەم ژنانە خۆیان بەدەستەوە نادەن، بەڵکو بە هۆشیاریەکی تەواوەوە چارەنوسی خۆیان هەڵدەبژێرن، نەک لەبەر لاوازی، بەڵکو لەبەر شکۆ کۆتایی بە ژیانیان دێنن.

 

باڵادەستی پیاوان لە سەرانسەری نەوەکاندا بەردەوامە، ژنانی نەزۆک سوکایەتیان پێدەکرێت، بێ هاوژینەکان ئەشکەنجە دەدرێن، مافی میراتیان لێ دەسەندرێتەوە و ناچار دەکرێن هاوسەرگیری لەگەڵ پیاوانی زلهێزدا بکەن، ئاڵای پیاوسالاری بە بەرزی دەمێنێتەوە، نادادپەروەری بەردەوام دەکات و دوبارە بەرهەمئ دەهێنێتەوە.

 

"خەباتێکی بێکۆتایی"

بەڵام خەباتی ژنان هەرگیز کاڵ نابێتەوە، بەڵکو لەگەڵ هەر نەوەیەکدا بە شێوازی جیاواز نوێ دەبێتەوە، هەندێکیان ڕەتیدەکەنەوە ملکەچی یاساکانی زەلیلبوون بن و پشت لە هەموو ئەو شتانە دەکەن کە ژێردەستەی بەردەوام دەکات، ژنانی ناو ئەم شانۆگەریە پڕن لە خۆشەویستی و ژیان، بەڵام هیچ بەهایەک لە ژیاندا نابینن، مەگەر لەگەڵ ئازادیدا نەبێت. بەڕاستی مردن بۆ ئازادی لەلایەن ئەوانەوە بە کردەوەیەکی پیرۆز دادەنرێت، ئازایەتی ئەوان لە نەوەیەکەوە بۆ نەوەیەکی تر دەگوازرێتەوە و زنجیرەیەک لە یاخیبوونی بەرز پێکدەهێنن، گاڵتە بەو یاسایانە دەکەن کە تەنها بۆ پیاو نوسراون، کە یاساکان خاڵین لە ئەخلاق و مرۆڤایەتی.

 

"مردن خۆبەدەستەوەدان نییە، بەڵکو هەڵبژاردنێکە بۆ ئازادی"

ئەم ژنانە ملکەچی ئەو داب و نەریتە نین کە ناچاریان بکات ملکەچی یاسای ناڕەوا بن، بە درێژای مێژوو لە بەرامبەر سیستەمی پیاوسالاریدا وەستاونەتەوە و ئامادە نەبوون ببنە قوربانی، لەم شانۆگەریەدا مردن وەک لاوازی وێنا نەکراوە، بەڵکو وەک بڕیارێکی هۆشیارانە و کردەوەیەکی خۆ زاڵبوون نیشان دەدرێت. ئەوان وابەستەی ژیان نین، بەڵکو ژیان پێیانەوە گرێدراوە، لە هەموو دیمەنێکدا ژنێک دەردەکەوێت کە واتای شکۆ و مرۆڤایەتی و خۆشەویستی بەرجەستە دەکات، ڕەتیدەکاتەوە تەنانەت یەک هەنگاویش لە بنەماکانی پاشەکشە بکات.

 

"ئەکتەرەکان، نمایشکردن، و خۆبەخشی"

شانۆگەری "نهێنی تەنیای من تۆ بوویت" لە ١ تا ٢٠ی ئاب لە ئەکادیمیای هونەر نمایش دەکرێت و ڕۆژانە یەک نمایشی تێدا نمایش دەکرێت، گروپێکی هەڵبژێردراوی ئەکتەران بەشداری ئەم بەرهەمە دەکەن کە بریتین لە کاژاڵ قەمەری، سومەیە ڕەحیمی، شیما مولای، شەهری شێخ ئیسلامی، هوجین حسێنی، نشتمان ڕەسوڵ زادە، شیلان ئەدیب، کووروش ئەحمەدی، فەردین غەدیری، ڕەزا حاج خەسرەوی، کەسرا کیانیراد، ڕامان محەمەدی، موبین سەبزی، پەرهام خوشکیسی، و سیڤان سەیدی.

 

ئەم نمایشە تایبەتە بە گیانی شەهیدانی ژینگەپارێز: خەبات ئەمینی، حەمید مورادی، و تشیاکو یوسف نەژاد، نمایشەکە بەشدار دەبێت لە یادکردنەوەی یاد و پەیامەکەیان.