ناوەندی هەواڵ

 

بەهۆی بڵاوکردنەوەی هەواڵی توندوتیژی دژ بە منداڵان لەلایەن بەرپرسی کامپێکی تایبەت لە ئیسینلەر لەلایەن ئاژانسی میزۆپۆتامیاوە، تویتەر بۆ ماوەی ٥ کاتژمێر هەژماری @MAturkce ڕاگرت.

 

تویتەر هەژماری ئاژانسی میزۆپۆتامیای تورکی بۆ ماوەی ٥ کاتژمێر لەکارخست، بەهۆی بڵاوکردنەوەی هەواڵێک کە لە ڤیدیۆیەکدا دەردەکەوێت بەرپرسی کامپێکی تایبەت لە ئیسینلەر، لە خوێندکارێک دەدات لە کاری فێربووندا، هەر دوای بڵاوبوونەوەی هەواڵەکە، بەرپرسی کامپەکە لەلایەن پۆلیسەوە دەستبەسەرکرا و گواسترایەوە بۆ دادگای باکرکۆی، هەژماری ئاژانسەکەش بۆ ماوەی ٥ کاتژمێر ڕاگیرا.

 

لە دوای وەستاندنی هەژماری ئاژانسی میزۆپۆتامیا، ڕۆژنامەی یەنی یاشامی تورکی-@yeniyasamgazete وەستێنرا و تا ئێستا نازانرێت هۆکاری ڕاوەستاندنی بۆ ماوەی ٥ کاتژمێر چییە.

 

هەر ئەمڕۆ هێرشی ئەلکترۆنی کرایەسەر ماڵپەڕی ئاژانسی هەواڵی هاوار-ANHA کە ناوەندەکەی لە باکور و ڕۆژهەڵاتی سوریایە، ئەو ئاژانسە کە ماڵپەڕە فەرمییەکەی ناکرێتەوە، لەسەر تۆڕی کۆمەڵایەتی بڵاویان کردەوە کە "هەموو سێرڤسەکانیان لەلایەن هاککەرانی دەوڵەتی تورکیای داگیرکەرەوە هێرشیان کراوەتە سەر".

 

ت.پ